უკან

უახლესი ამბები

დღის კალენდარი

ანონსები

არქივი

კომენტარი

30 ოქტომბერი, 2017 16:05
font-size

პროკურატურამ ალიბი შეუქმნა შსს-ს - თბილისის ყოფილი მთავარი პროკურორი

თბილისის ყოფილი მთავარი პროკურორის, მაია მწარიაშვილის განცხადებით, მისთვის გაუგებარია, რატომ გამოაქვეყნა შსს-მ ნუცუბიძის პლატოზე მომხდარ საქმესთან დაკავშირებით თვითმხილველთა ინტერვიუები.

როგორც მწარიაშვილმა ტელეკომპანია ,,პირველის“ ეთერში საუბრისას აღნიშნა, ინტერვიუების გამოქვეყნება უკვე მიუთითებდა, რომ სამხრე კამერების კადრები არ არსებობდა.

,, როგორც კი ინტერვიუების გამოქვეყნება დაიწყო შს სამინისტრომ უნდა გვევარაუდა, რომ არ არსებობდა ის ჩანაწერები, რადგან პირველ რიგში გამოქვეყნდებოდა სწორედ ეს ჩანაწერები.

პროკურატურამ კი დაამკვიდრა ის, რომ პრესცენტრი ჩამოგვითვლის რამდენი მოწმე დაიკითხა და რა ექსპერტიზა ჩატარდა.

პროკურატურამ ამ განცხადებაში თქვა, რომ განჩინებით ამოიღეს კამერები. განჩინებით ამ კამერების ამოღება არ ხდება. პროკურატურა რა წუთშიც გამოითხოვდა ამ კადრებს იმ წუთში უნდა მიეცათ. სადაც კი არსებობს განჩინება, იქაც კი არსებობს გადაუდებელი მომენტი, რა დროსაც განჩინების გარეშეც ხდება ამოღება. განჩინება იმიტომ გვითხრეს, რომ აი ეს დრო რატომ დაიკარგაო, აეხსნათ.

პროკურატურამ ამ განცხადებაში ალიბი შეუქმნა შსს-ს. მან ასეთი რამ თქვა, მიუთითა, რომ ინსპექტორის განმარტებით, გამორთული ჰქონდა მას კამერა და მანქანაში ედო. რატომ იყო გამორთული ეს უნდა გვითხრას. ამავე განცხადებაში პროკურატურამ გვითხრა, რომ მანქანა სხვა მხარეს იდგა. ამ განცხადებით, პროკურატურა ცდილობს აეხსნა რატომ არ იყო ჩანაწერი. ფაქტობრივად გვითხრა, რომ ობიექტური ვითარება არის ისეთი, რომ ამ ჩანაწერის მოლოდინი არ გქონდეთო. მე ამ უცნაურობის გათეთრების მცდელობა დავინახე. შეიძლება ვჩქარობდე დასკვნებში.

დღეს გვაქვს ვითარება, როდესაც გამოძიებისგან პასუხს ველოდებით, რომ სამხრე კამერების გარეშე უნდა დადგინდეს რეალობა რა იყო“, - განაცხადა მწარიაშვილმა.

მისი შეფასებით, ამ ტიპის დანაშაულის გამოძიება მარტივია.

,,ასეთი ტიპის დანაშაულზე პირველივე სურათი არის იმდღესვე. გამოკითხვა და სურათის აღდგენაა საჭირო. ეს ხომ არ არის წლების წინ ჩადენილი დანაშაული, სადაც უკვე მტკიცებულებები აღარ არსებობს?! “-ამბობს მწარიაშვილი.

ამასთან, პავლიაშილის გარდაცვალების საქმეში, დაკავების მომენტის ვიდეოების არარსებობის ფაქტს, თბილისის ყოფილი მთავარი პროკურორი რობაქიძისა და გირგვილიანის გახმაურებულ საქმეებში ვიდეოების გაქრობას ადარებს.

,,შესაძლოა, საბოლოო სურათი დარჩეს ასეთი, რომ როგორც კანონი ავალდებულებდა პატრულ ინსპექტორებს, მათ ეს ქმედებები განახორციელეს თანმიმდევრულად, უბრალოდ, კამერა არ იყო ჩართული და ამის გამო ადამიანებს ხომ არ დავახჩობთო?! თუ ეს სცენარია, მაშინ ეს ძალიან ცუდია, იმიტომ რომ ჩვენ გვაქვს გამოცდილება არაერთ გახმაურებულ საქმეზე. ჩანაწერების გაქრობის, რომლებსაც მერე წლების განმავლობაში ვეძებდით - იგივე რობაქიძის საქმე, იგივე გირგვლიანის საქმე. გახსოვთ, იქაც ჩანაწერები ძალიან იკვეცებოდა და საბოლოოდ იქამდე მივიდა, რომ გაქრა უბრალოდ ეს ჩანაწერები.

აქაც პროკურატურას, უნდა თუ არ უნდა, ანუ ამ საქმის მიმართ ნდობა რომ აღდგეს, ჩვენ ლეგიტიმაციის და ნდობის მაღალი ხარისხით უნდა ვიცოდეთ, რას ნიშნავს რომ გამორთო რაღაც პერიოდი კამერა; რას ნიშნავს და რატომ ტენიდა და რატომ არ მუშაობდა ეს კამერები, მით უმეტეს რომ ექსპერტიზით შეიძლება დადგინდეს, წაიშალა თუ მაშინვე არ იყო ჩართული“- განაცხადა თბილისის ყოფილმა პროკურორმა მაია მწარიაშვილმა.

ნინო ექვთიმიშვილი

„დღეს დასაჭერად არ მცალია, ქორწინების 20 წლისთავი მაქვს“ - ირაკლი ოქრუაშვილი

26 ივნისი, 2019 , 15:28

„ჩემო ბერა! იმ ერთ გზააბნეულ ქართველ პოლოტიკოსს, სახლში რომ გყავს, უთხარი – დღეს დასაჭერად არ მცალია, ქორწინების 20 წლისთავი მაქვს და ხვალ გამომიაროს“, – წერს სოციალურ ქსელში „გამარჯვებული ს

გიორგი გახარია არის მსხვილი კალიბრის კრიმინალი - ნიკა მელია

25 ივნისი, 2019 , 12:35

გიორგი გახარია არის მსხვილი კალიბრის კრიმინალი - ეს განცხადება, "ნაციონალური მოძრაობის" წევრმა, ნიკა მელიამ ჟურნალისტებთან გააკეთა. „ამ დარბაზში ხმას როგორ იღებენ, რა შტურმზე საუბრობენ, ღიად დეკლარირებული აგრესორი,

ყველა თანხმდება, რომ ძალის გამოყენება პოლიციის მხრიდან ლეგიტიმური იყო - მაია ცქიტიშვილი

24 ივნისი, 2019 , 17:30

შინაგან საქმეთა სამინისტრომ შეძლო აგრესიის შეჩერება და ჩვენი საზოგადოების მასობრივი არეულობისგან დაცვა, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა, რითაც გამოეხმაურა 20

გაცილებით მეტზე წავედით, ვიდრე ამას ვინმე წარმოიდგენდა - მამუკა მდინარაძე

24 ივნისი, 2019 , 17:00

მე არ ვიცი, რა ძალა სჭირდება ადამიანს ამ გადაწყვეტილებაზეც კი ამგვარი კრიტიკა რომ განახორციელოს და სატყუარა უწოდოს ყველაზე დემოკრატიულ პროცესს, - ასე პასუხობს პარლამენტის ფრაქცია ”ქართული ოცნების” თავმჯდომარე

აუცილებლად უნდა გაგრძელდეს გიორგი გახარიას შს მინისტრის თანამდებობიდან გადადგომის მოთხოვნა - ანა დოლიძე

24 ივნისი, 2019 , 15:35

პროპორციული არჩევნები არის ძალიან დიდი გამარჯვება, მაგრამ ჩვენ არ უნდა დაგვავიწყდეს ხალხის ბრძოლის მთავარი მოთხოვნა, მე ვრჩები ხალხთან. აუცილებლად უნდა გაგრძელდეს გიორგი გახარიას შს მინისტრის თანამდებობიდან გადადგომის მო

გიორგი გახარია ვერც პოლიტიკოსად შედგა - დავით ჭიჭინაძე

24 ივნისი, 2019 , 15:35

20-დან 21 ივნისის ღამეს ქვეყანაში სისხლი დაიღვარა და მე ვერ ვხედავ ვერავის დასჯილს. თუ ეს იყო ძალოვანი უწყებების ბრალი, პასუხი უნდა აგოს შს მინისტრმა. თუ, როგორც მთავრობა გვეუბნება, ეს იყო გარკვეული ექსტრემისტურ- პოლიტიკ