საზოგადოება

ქართული ფეხბურთის გულშემატკივარი ვარ, თუმცა გურამ კაშიას პროპაგანდისტული აქცია მიუღებელია - კოტე მორგოშია

ქართული ფეხბურთის გულშემატკივარი ვარ, გუნდს ვგულშემატკივრობ, თუმცა გურამ კაშიას ეს პროპაგანდისტული აქცია, ჩემთვის და საზოგადოების დიდი ნაწილისთვის მიუღებელია, - განაცხადა "ქართული მარშის“ერთ-ერთმა დამფუძნებელმა კოტე მორგოშიამ დღეს გამართულ პრესკონფერენციაზე.

როგორც მორგოშიამ აღნიშნა, 9 სექტემბერს, „დინამო არენაზე“ საქართველო -ლატვიის საფეხბურთო მატჩის დროს ათასობით ადამიანთან ერთად აქცია-პერფორმანსს მოაწყობენ.

"ეს ვიღაცას ხმამაღლა განაცხადებად არ მოეჩვენოს: მარტო მე მაქვს 11 ათასი წერილი მიღებული მესინჯერში და სხვადასხვა სოციალურ ქსელში. არიან ემიგრანტები, რომლებიც ევროპიდან ჩამოდიან თამაშზე დასასწრებად და იმ პროტესტის დასაფიქსირებლად, რაც გურამ კაშიას უკავშირდება. მე, ქართული ფეხბურთის გულშემატკივარი ვარ, გუნდს ვგულშემატკივრობ, თუმცა გურამ კაშიას ეს პროპაგანდისტული აქცია, ჩემთვის და საზოგადოების დიდი ნაწილისთვის მიუღებელია, ზოგისთვის - მისაღებია. ეს მათი პოზიციაა, ჩვენ მათ აზრს პატივს ვცემთ. სამწუხარო ის არის, რომ ჩვენ, რომ დავაანონსეთ 9 სექტემბერს სტადიონზე მივიდოდით პროტესტის დასაფიქსირებლად, ისევე როგორც ეს ქუთაისში დავაფიქსირეთ, ამან სხვა სახე მიიღო. ლგბტ საზოგადოების ლობისტები გარკვეულ ჯგუფებს გვიპირისპირებენ. იძახიან, რომ ისინი გურამ კაშიას საქომაგოდ მივლენ. ეს მათი ნებაა. ჩვენ არავისთან კონფრონტაციას არ ვაპირებთ. თუ რაიმე ინციდენტი მოხდება, მათი ბრალეულობა იქნება. მუქარები, რომ სტადიონზე შესვლაში ხელს შეგვიშლიან და გურამს გადაეფარებიან, ეს მათი პოზიციაა. გურამს ჩვენგან გადასაფარებელი არაფერი სჭირს. მასთან ფიზიკურ ანგარიშსწორებას არავინ არ აპირებს. გურამს იმაზე მეტს ვერავინ ვერ დამართებს, რაც მან თავის თავს დამართა", - განაცხადა მორგოშიამ.