უკან
რეგიონები
12 სექტემბერი, 2017 10:50
ქობულეთში ავტოსაგზაო შემთხვევას ერთი ადამიანი ემსხვერპლა
ქობულეთში ავტოსაგზაო შემთხვევის შედეგად ერთი ადამიანი დაიღუპა, ორი კი დაშავდა.
სასწრაფო-სამედიცინო დახმარების ბრიგადამ დაშავებულები სამედიცინო დაწესებულებაში გადაიყვანა.
არსებული ინფორმაციით, ქობულეთში შემოვლით გზაზე მიკროავტობუსი გაჩერებულ სატვირთო ავტომობილს დაეჯახა. ადგილზე სამართალდამცავები იყვნენ მობილიზებული.
საქართველოს შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ნინო ექვთიმიშვილი