უკან
ეკონომიკა
7 თებერვალი, 2017 14:20
საგადასახადო სამართალდარღვევის 670 ფაქტი გამოვლინდა
შემოსავლების სამსახურის საგადასახადო მონიტორინგის დეპარტამენტმა, 30 იანვრიდან - 5 თებერვლის ჩათვლით,ქვეყნის მასშტაბით განხორციელებული კონტროლის შედეგად, საგადასახადო სამართალდარღვევის 670 ფაქტი გამოავლინა.
როგორც უწყების მიერ გამოქვეყნებულ განცხადებაშია ნათქვამი, მონიტორინგის დეპარტამენტის ოფიცრების მიერ შემოწმდა 5,407 გადამხდელი.
ამის შედეგად კი, დაფიქსირდა საქონლის სასაქონლო ზედნადების გარეშე ტრანსპორტირების 70 შემთხვევა; ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 65 ფაქტი; მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 535 შემთხვევა.