ეკონომიკა

საგადასახადო სისტემის რეფერენდუმზე გატანას არ ვეთანხმები - ჯანი ბუკიკიო

ვენეციის კომიის პრეზიდენტი ჯანი ბუკიკიო რეფერენდუმზე გადასახადების შესახებ საკითხის გატანას არ ეთანხმება.

ბუკიკიოს განმარტებით, ცხადია, რომ ადამიანებს დაბალი გადასახადების გადახდა ურჩევნიათ და თუ ხალხს შეეკითხები, ის წინააღმდეგი იქნება.

ამიტომ, ბუკიკიოს აზრით, გადასახადების საკითხი მთავრობამ და პარლამენტმა უნდა გადაწყვიტონ.

„საგადასახადო სისტემა მნიშნელოვანია. შეუძლებელია ქვეყანაში კარგი ინფრასტრუქტურა და კარგი სოციალური პაკეტები გქონდეს იმ შემთხვევაში, თუ არ გაქვს ფული. საიდან მოდის ფული? გადასახადებიდან. რა თქმა უნდა, ყველას უნდა უფრო ცოტა გადასახადის გადახდა და თუ ჩვენ შევეკითხებით ხალხს, ალბათ, უმეტესობა წინააღმდეგი იქნება. მაგრამ ამავდროულად, მთავრობას სჭირდება ფული, რომ საზოგადოებას მისთვის აუცილებელი სერვისები შესთავაზოს. სწორედ ამიტომ, ახალი საგადასახადო სისტემის რეფერენდუმზე გატანას არ ვეთანხმები.

გადასახადების საკითხი უნდა გადაწყვიტოს მთავრობამ და პარლამენტმა“,-აღნიშნა ბუკიკიომ, რომლის განცხადების თარგმანს საზოგადოებრივი მაუწყებელი ავრცელებს.

მონიკა დავლიანიძე