უკან

ეკონომიკა

20 ივლისი, 2018 17:35
font-size

„საპარტნიორო ფონდის“ დელეგაცია ჩინეთში საქმიან შეხვედრებს მართავს

„საპარტნიორო ფონდის“ დელეგაცია ფონდის აღმასრულებელი დირექტორის დავით საგანელიძის ხელმძღვანელობით, ჩინეთის სახალხო რესპუბლიკაში საქმიან შეხვედრებს მართავს. ფონდის დელეგაცია ოფიციალურ ვიზიტში ჩინეთის რეფორმებისა და განვითარების კომიტეტთან არსებული ტექნოლოგიური ბაზრის განვითარების ასოციაციის თავმჯდომარის მიწვევით იმყოფება.

ოფიციალური ვიზიტის ფარგლებში, „საპარტნიორო ფონდის“ აღმასრულებელი დირექტორი დავით საგანელიძე ჩინეთის სახალხო რესპუბლიკის ფინანსთა სამინისტროს სტრუქტურაში შემავალი ჩინეთის სახელმწიფო-კერძო სექტორის თანამშრომლობის ფონდის (PPP FUND) საბჭოს თავმჯდომარეს ჭოუ ჩენგიუეს შეხვდა.

PPP ფონდი ჩინეთის სახელმწიფოს უმსხვილეს საფინანსო ინსტიტუტს წარმოადგენს.

„საპარტნიორო ფონდის“ ინფორმაციით, შეხვედრაზე ჩინეთის მხარემ მზადყოფნა გამოთქვა პირველად PPP ფონდის საქმიანობის ისტორიაში ჩინეთის ფარგლებს გარეთ ინვესტიცია სწორედ საქართველოს ინფრასტრუქტურულ პროექტებში განახორციელოს. საქმიან შეხვედრაზე მხარეებმა, ასევე, ორ ქვეყანას შორის სავაჭრო-ეკონომიკური თანამშრომლობის გაღრმავების შესახებ იმსჯელეს.

ვიზიტის ფარგლებში, „საპარტნიორო ფონდის“ წარმომადგენლებმა ჩინეთის რეფორმებისა და განვითარების კომიტეტის სტრუქტურაში არსებული ტექნოლოგიების ბაზრის განვითარების ასოციაციის ხელმძღვანელთან ჭანგ იანთან გამართეს შეხვედრა. „საპარტნიორო ფონდის“ საინვესტიციო დეპარტამენის დირექტორმა გიორგი დანელიამ და ფონდის შვილობილი, „დარგობრივი განვითარების კომპანიის“ კვლევების მიმართულების ხელმძღვანელმა ლევან კვერნაძემ ასოციაციის მენეჯმენტს ფონდის მიმდინარე პროექტების შესახებ მიაწოდეს ინფორმაცია. მხარეებმა დეტალურად განიხილეს პოტენციური საინვესტიციო პროექტები და შესაძლო სამომავლო თანამშრომლობის პერსპექტივები.

„საპარტნიორო ფონდის“ აღმასრულებელი დირექტორი დავით საგანელიძე სტუმრად იმყოფებოდა ჩინეთის სახალხო რესპუბლიკის უმსხვილესი ტელეარხის „CCTV 7“-ის ეთრში, რომელიც სოფლის მეურნეობის მიმართულებით მაუწყებლობს. არხის მიწვევით, დავით საგანელიძემ „CCTV 7“-ის პირდაპირ ეთერში 2-მილიარდიან აუდიტორიას საქართველოს შესახებ ინფორმაცია მიაწოდა და ქვეყნის საინვეტიციო, ტურისტული და სავაჭრო-ეკონომიკური პოტენციალი გააცნო. ასევე, ტელეკომპანიის სამუშაო ჯგუფი საქართველოში მოიწვია და სპეციალური საიმიჯო გადაცემის მომზადება შესთავაზა, რომელიც საქართველოს სოფლის მეურნეობის პროდუქციასა და ქართულ მეღვინეობას გაუწევს პოპულარიცაზიას.

„საპარტნიორო ფონდის“ დელეგაცია ვიზიტის ფარგლებში, ჩინეთის უმსხვილეს ტექნოლოგიურ კორპორაცია „China Transinfo”-ს მენეჯმენტს შეხვდა. კორპორაცია ჩინეთის ყველა სახის შიდა სატრანსპორტო საშუალებას უწევს ზედამხედველობას და უზრუნველჰყოფს მათ უსაფრთხოებას. აგრეთვე, ფლობს მგზავრთა გადაყვანისა და ტვირთების გადაზიდვის უდიდეს მონაცემთა ბაზას და წარმოადგენს უმნიშვნელოვანეს კომპანიას ლოგისტიკური მიმართულებით.

ჩინეთის სახალხო რესპუბლიკაში ოფიციალური ვიზიტის ფარგლებში, დაგეგმილია „საპარტნიორო ფონდის“ დელეგაციის საქმიანი შეხვედრები ქალაქ შენჭენისა და გუანჭოუში.

საკვანძო სიტყვები:

ადგილობრივი ექსპორტი 6.4 პროცენტით შემცირდა

19 თებერვალი, 2021 , 12:10

2021 წლის იანვარში საქართველოდან განხორციელებული ადგილობრივი ექსპორტი (რეექსპორტის გარეშე) 6.4 პროცენტით, 166.4 მლნ. აშშ დოლარამდე შემცირდა. ადგილობრივი ექსპორტი მთლიანი ექსპორტის 74.1 პროცენტს შეადგენს. საქართველოს სტატ

ეროვნულმა ბანკმა სავალუტო აუქციონზე 40 000 000 აშშ დოლარი გაყიდა

18 თებერვალი, 2021 , 17:00

საქართველოს ეროვნულმა ბანკმა სავალუტო აუქციონზე 40 000 000 აშშ დოლარი გაყიდა. „2021 წლის 18 თებერვალს, გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა. საშუალო შეწონილმა

იანვარში საგარეო სავაჭრო ბრუნვა 16.3 პროცენტით შემცირდა - საქსტატი

15 თებერვალი, 2021 , 12:05

სტატისტიკის ეროვნული სამსახურის წინასწარი ინფორმაციით, 2021 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 763.9 მლნ. აშშ დოლარი შეადგინა, რაც წინა წლის შესაბამისი პერიოდის

თურქეთთან დადებული შეთანხმება არის შესაძლებლობა, ევროკავშირში ჩვენი საექსპორტო პოტენციალი გაიზარდოს - ნათია თურნავა

13 თებერვალი, 2021 , 14:27

თურქეთის რესპუბლიკის პარლამენტმა ძალიან მნიშვნელოვანი გადაწყვეტილება მიიღო, რომელსაც ჩვენ და ჩვენი გარკვეული ბიზნესები ოთხი წელია, ველოდებოდით, – ასე შეაფასა ეკონომიკისა და მდგრადი განვითარების მინისტრმა, ნათია თურ

„Fitch“-ი საქართველოს სუვერენულ რეიტინგს უცვლელად „BB“-ზე ტოვებს - კობა გვენეტაძე

13 თებერვალი, 2021 , 12:45

სარეიტინგო კომპანია „Fitch“ საქართველოს სუვერენულ რეიტინგს უცვლელად „BB“-ზე ტოვებს, - ამის შესახებ Facebook-ზე საქართველოს ეროვნული ბანკის პრეზიდენტი, კობა გვენეტაძე წერს. „საქართველოს ეროვნ

ევროპის რეკონსტრუქციისა და განვითარების ბანკი და ევროკავშირი მხარს უჭერენ საქართველოს ეროვნული ბანკის ინიცირებულ პროგრამას კაპიტალის ბაზრის განვითარებისთვის

12 თებერვალი, 2021 , 12:40

ევროკავშირის და ევროპის რეკონსტრუქციისა და განვითარების ბანკის კაპიტალის ბაზრების განვითარების გუნდი საქართველოს ეროვნული ბანკის მიერ ინიცირებული პროგრამის შემუშავებასა და დანერგვას გაუწევს მხარდაჭერას. პროგრამ