მოზაიკა
საქართველომ დატოვა ინტერნეტში ყველაზე მეტი თავდასხმა დაქვემდებარებული მომხმარებლების რიცხვის მქონე ქვეყნების ოცეული
„კასპერსკის ლაბორატორიის“ წარმომადგენლობის ინფორმაციით, 2018 წლის ივნის-სექტემბერში საქართველომ დატოვა ინტერნეტში ყველაზე მეტი თავდასხმა დაქვემდებარებული მომხმარებლების რიცხვის მქონე ქვეყნების ოცეული: ამ მაჩვენებელმა შეადგინა მხოლოდ 20.4% -ი მეორე კვარტალში 23.87% -ის მაგივრად (მე -18 ადგილი,) ხოლო 2018 წლის პირველ კვარტალში - 31.40% (მე -14 ადგილი). საქართველოს მეზობელი ქვეყნებიდან ოცეულში აღმოჩნდა სომხეთი (მე-5-ე ადგილი). სადაც მავნებელი ვირუსით დასნებოვნების მცდელობა განიცადა მომხმარებელთა 29,16%. ხოლო აზერბაიჯანმა 26,67 % მაჩვენებლით დაიკავა მე-8-ე ადგილი. ამის შესახებ მოწმობს „კასპერსკის ლაბორატორიის“ მაცვენებლები, რომლებიც კომპანიამ მიიღო Kaspersky Security Network (KSN)-ის დახმარებით.
საშუალოდ, მესამე კვარტალში ინტერნეტის მომხმარებელთა კომპიუტერების 18.82% -მა ერთხელ მაინც განიცადა Malware კლასის მავნე ვებ-გვერდის თავდასხმა, ხოლო აპრილ-ივნისში ეს მაჩვენებელი 19.59 % გახდა.
"მიუხედავად იმისა, რომ შემცირდა საშიშროებას დაქვემდებარებული მომხმარებლების წილი, ეს მაჩვენებელი მაინც მნიშვნელოვნად აღემატება მსოფლიოს საშუალო მონაცემს. ეს იმას ნიშნავს, რომ მომხმარებლები უნდა იყვნენ ფხიზლად განსაკუთრებით არაოფიციალური წყაროებისგან ინფორმაციის გადმოტვირთვისას და ყურადღება გაამახვილონ ინტერნეტ სივრცეში სხვადასხვა საიტებზე შესვლისას. ასევე, ინტერნეტში სათანადო უსაფრთხოების უზრუნველსაყოფად, რეკომენდირებულია საიმედო ანტივირუსული ვებ-დაცვითი ფუნქციის მქონე გადაწყვეტილების გამოყენება", - აღნიშნავს კიბერუსაფრთხოების ექსპერტი, „კასპერსკის ლაბორატორიის“ რეგიონალური წარმომადგენელი საქართველოსა და სომხეთში არმენ კარაპეტიანი.
მსოფლიოს სხვადასხვა ქვეყნებში ინტერნეტის მეშვეობით მავნე პროგრამებით მომხმარებელთა დასნებოვანების რისკის შესაფასებლად, „კასპერსკის ლაბორატორიამ გამოთვალა კომპანიის პროდუქტების იმ მომხმარებელთა პროცენტული შემადგენლობა თითოეულ ქვეყანაში, რომლებიც შეეჯახნენ საანგარიშო პერიოდში ვებ-ანტივირუსის ამოქმედებას. მიღებული მონაცემები უჩვენებენ იმ სფეროს აგრესიულობას, რა პირობებშიც მუსაობა უხდებათ სხვადასხვა ქვეყნების კომპიუტერებს. ამიტომაც მხედველობაში იქნა მიღებული მხოლოდ Malware კლასის მავნებელი ობიექტები და გათვალისწინებული არ ყოფილა ვებ-ანტივირუსის ამოქმედება პოტენციალურად საშიში და არასასურველი ისეთი პროგრამების გამოვლენისას, როგორებიც არიან RiskTool და სარეკლამო ხასიათის პროგრამები.