საზოგადოება
საქართველოს მოქალაქეები ორმაგი მოქალაქეობის მიღებას შეძლებენ
საქართველოს მოქალაქეები ორმაგი მოქალაქეობის მიღებას შეძლებენ. პარლამანტში კანონის იმ ნორმის შეცვლაზე მსჯელობენ, რომელიც საქართველოს მოქალაქეებს ორმაგ მოქალაქეობას უკრძალავდა.
ორგანულ კანონში დაგეგმილი ცვლილებები, რომელიც პარლამენტმა დაჩქარებული წესით უნდა მიიღოს, საქართველოს იუსტიციის სამინისტროში მომზადდა. დეპუტატებს იმედი აქვთ, რომ ცვლილებებს მაისის ბოლომდე მიიღებენ.
მოქმედი კანონით, თუ საქართველოს მოქალაქე სხვა ქვეყნის მოქალაქეობას მიიღებდა, ის საქართველოს მოქალაქეობას ავტომატურად კარგავდა. ცვლილებების ამოქმედების შემდეგ კი მათ ეს შეზღუდვა არ ექნებათ. ის პირები, რომლებმაც მოქალაქეობა ცვლილებების ძალაში შესვლამდე არაუმეტეს 1 წლით ადრე დაკარგეს, მისი აღდგენა შეეძლებათ.
ორმაგი მოქალაქეობის აკრძალვის შესახებ ჩანაწერი კონსტიტუციიდან ამოღებულია, ორგანულ კანონში შესატანი ცვლილებები კი სწორედ დოკუმენტი კონსტიტუციასთან შესაბამისობაში მოყვანის მიზნით მიმდინარეობს.