კომენტარი

შსს-ს წარმომადგენლები დავარწმუნეთ იმაში, რომ საკმარისი მტკიცებულებებია კალანდიასთვის ბრალის წარსადგენად - ზაზა სარალიძე

შეხვედრის შინაარსზე ვერაფერს გეტყვით, იმიტომ რომ არ მინდა პროცესს ხელი შეეშალოს, - განუცხადა ჟურნალისტებს მოკლული მოზარდის, დავით სარალიძის მამამ, ზაზა სარალიძემ შინაგან საქმეთა სამინისტროში გამართული შეხვედრის დასრულების შემდეგ.

მისი ინფორმაციით, შეხვედრას შს მინისტრი გიორგი გახარია არ დასწრებია, თუმცა აუდიენციით კმაყოფილია.

როგორც სარალიძემ აღნიშნა, შეხვედრას შინაგან საქმეთა მინისტრის მოადგილე და ერთ-ერთი დეპარტამენტის უფროსი ესწრებოდნენ.

,,გავიარეთ ყველა ჩვენება, რაც მიხეილ კალანდიას წინააღმდეგ არსებობს საქმის მასალებიდან გამომდინარე. შევთანხმდით იმაზე, რომ კვირის ბოლომდე რადიკალური ნაბიჯები უნდა გადაიდგას და აქ აღარ გავჩერდები, გარეთ გავალ. დღევანდელ ღამეს აქ არ გავატარებ. დავარწმუნეთ იმაში, რომ საკმარისი მტკიცებულებებია იმისთვის, რომ კალანდიას ბრალი წარედგინოს. შევთანხმდით კვირის ბოლომდე რადიკალური ნაბიჯების გადადგმაზე, თუმცა ამაზე კონკრეტულად არ ვისაუბრებ იქიდან გამომდინარე, რომ რაღაც მოცემულობას ხელი არ მინდა შეეშალოს. რაც შეეხება იმას, თუ რა მითხრეს კალანდიასთან დაკავშირებით, კონკრეტულად ვისაუბრეთ, მაგრამ დეტალებს ვერ მოგახსენებთ, რათა ხელი არ შევუშალო პროცესს", - განაცხადა სარალიძემ.