კომენტარი

შსს-სა და სუს-ს შორის არანაირი დაპირისპირება არ არსებობს - შალვა ხუციშვილი

ჩვენსა და სახელმწიფო უსაფრთხოების სამსახურს შორის ურთიერთობა არის ძალიან ეფექტური, ძალიან კოორდინირებული და ჰარმონიული , - ასე პასუხობს შინაგან საქმეთა მინისტრის მოადგილე, შალვა ხუციშვილი საქართველოს პარლამენტის ყოფილ თავმჯდომარეს, დავით უსუფაშვილის იმ განცხადებას, რომლის მიხედვითაც არსებობს ეჭვი, რომ ბათუმში მომხდარი დაპირისპირება სუს-სა და შსს-ს შორის არსებულ დაპირისპირებას უკავშირდებოდა.

შს მინისტრის მოადგილე ამბობს, რომ ძალოვან უწყებებს შორის არანაირი დაპირისპირება არ არსებობს.

„შემიძლია დაგიდასტუროთ, რომ ჩვენსა და სახელმწიფო უსაფრთხოების სამსახურს შორის ურთიერთობა არის ძალიან ეფექტიანი, ძალიან კოორდინირებული და ჰარმონიული. ეს შეეხება როგორც ადამიანურ ურთიერთობებს ხელმძღვანელების დონეზე, ასევე როგორც უწყებათა შორის. სისტემა მოქმედებს შეთანხმებულად. მე არ ვიცი ვის რა საფუძველი აქვს ამის განცხადების, მაგრამ შემიძლია სრული პასუხისმგებლობით დაგიდასტუროთ, რომ არანაირი მსგავსი ჩვენსა და სახელმწიფო უსაფრთხოების სამსახურს შორის არ არსებობს,"-განაცხადა შალვა ხუციშვილმა.

ნინო ექვთიმიშვილი