რეგიონები

სოფელ ხეთაში მოშიმშილე მსჯავრდებულის ოჯახის წევრებმა აქცია გამართეს

მსჯავრდებულ პაპუნა ნანეიშვილის ოჯახის წევრებმა საქმის ხელახალ გამოძიების მოთხოვნით ხობის მუნიციპალიტეტის სოფელ ხეთაში აქცია გამართეს.

აქციის მონაწილეები საქმეში გენინსპექციის ჩართვას ითხოვენ.

პატიმრის მამა თამაზ ნანეიშვილი ამბობს, რომ მისი შვილი 55-ე დღეა შიმშილობს და მსჯავრდებულის ჯანმრთელობის მდგომარეობა მძიმეა.

აქციის მონაწილეებს ხობის საკრებულოს თავმჯდომარე ედიშერ ჯობავა შეხვდა, რომელიც ოჯახს სამართლებრივად საქმის შესწავლას დაჰპირდა.

თამაზ ნანეიშვილის ოჯახმა ხელისუფლებას ვადა საღამომდე მისცა და იმ შემთხვევაში კი, თუ მათი მოთხოვნა არ დაკმაყოფილდება, ოჯახი ხვალიდან პროტესტის სხვა ფორმებს მიმართავს.

ცნობისათვსი, პაპუნა ნანეიშვილი იარაღის უკანონო შენახვა-ტარების ბრალდებით არის გასამართლებული. მას 6-წლიანი პატიმრობა აქვს შეფარდებული.

ნინო ექვთიმიშვილი