საზოგადოება

ვიცი, როგორ განიცდის კაშო ამას... პროფესიონალი კაცია და ვალდებული იყო - ზვიად სიჭინავა

ფეხბურთის ფედერაციის ყოფილი პრეზიდენტი, ზვიად სიჭინავა ლგბტ თემის სამკლაურის გაკეთების გამო ფეხბურთელ გურამ კაშიას მიმართ გამოთქმულ პროტესტს გამოეხმაურა.

როგორც სიჭინავამ ტვ „პირველის“ გადაცემაში ,,რეაქცია“ განაცხადა, გურამ კაშია ვალდებული იყო საერთაშორისო საფეხბურთო ორგანიზაციების მოთხოვნების შესაბამისად გაეკეთებინა სამკლაური.

,,იცით, როგორ მეცოდება ის ბიჭი?! ვიცი, როგორ განიცდის კაშო ამას. ვიცი მაგის გულის ამბავი და ვიცი, როგორი პიროვნებაა.

ვინც არ იცის, მარტივი სათქმელია მისთვის, გაიკეთე-არ გაიკეთო. პროფესიონალი კაცია და ვალდებული იყო კონტრაქტით, პირობებით, ,,ნოუ რასიზმით“, ,,რესპექტით“ და სხვადასხვა მოთხოვნით, რომელიც აქვს ფიფას და უეფას, გაეკეთებინა“, - განაცხადა ზვიად სიჭინავამ.