უკან
საზოგადოება
22 სექტემბერი, 2017 12:15
ზაჰესის ხიდის ქვეშ არსებული წყლის მილი გასკდა და ხიდთან მისასვლელი გზის ნაწილის დაზიანება ამან გამოიწვია - გლდანის გამგებელი
გლდანის რაიონის გემგებლის, დიმიტრი ორმოცაძის ინფორმაციით, ზაჰესის ხიდის ნაწილის ჩამონგრევის მიზეზი გახდა ის, რომ ხიდის ქვეშ არსებული წყლის მილი გასკდა.
როგორც ორმოცაძემ ჟურნალისტებთან საუბარში აღნიშნა, ადგილზე „ჯორჯიან უოთერ ენდ ფაუერის“ წარმომადგენლები უკვე მუშაობენ.
”ზაჰესის მეორე, ძველი ხიდის ქვეშ არსებული წყლის მილი გასკდა და ხიდთან მისასვლელი გზის ნაწილის დაზიანება ამან გამოიწვია. „ჯორჯიან უოთერ ენდ ფაუერის“ წარმომადგენლები ადგილზე არიან და მიმდინარეობს სამუშაოები. წყალი გადაიკეტა, თუმცა სისტემებში დაგროვილი წყალი ამ ადგილას მოედინება და პირველ რიგში წყლის ნაკადმა უნდა იკლოს“, -განმარტა გამგებელმა.
მონიკა დავლიანიძე