რეგიონები

ზუგდიდის რაიონში მგლებმა 10-მდე თხა დაგლიჯეს

ზუგდიდის რაიონის სოფელ კახათს მგლები შეესია. ადგილობრივების ინფორნაციით, მტაცებლებმა წუხელ 10-მდე თხა დაგლიჯეს.

კახათელები ამბობენ, რომ ეს სოფელში მტაცებლების გამოჩენის პირველი შემთხვევა არ არის.

ისინი ხელისუფლებას შესაბამისი ზომების მიღებას სთხოვენ, წინააღმდეგ შემთხვევაში კი, როგორც თავად ამბობენ, კანონის დარღვევა და მგლების დახოცვა თავად მოუწევთ.

თავის მხრივ, როგორც ზუგდიდის გამგეობაში განმარტავენ, აღნიშნულ პრობლემასთან დაკავშირებით ცენტრალურ მთავრობას წერილით მიმართეს.

"ჩვენ მთავრობისთვის მიწერილი გვაქვს შესაბამისი წერილი, რათა მოგვცეს უფლება მგლების ლიკვიდირების. გარემოს დაცვის ინსპექციის შესაბამისი ნებართვის წერილის შემდეგ, რომელშიც რიცხობრივად იქნება მითითებული, რა რაოდენობის მგლის ლიკვიდაციის უფლება გვაქვს, მონადირეებს განვუახლებთ ხელშეკრულებას და სწორედ მიეცემათ უფლება ამ მტაცებლის განადგურების. კონკრეტულად კახათს რაც ეხება, არავის მოუმართავს, თუმცა თავისთავად, შესაბამისი მომართვის შემდეგ, მათ პრობლემასაც მოვაგვარებთ", - აღნიშნავენ ზუგდიდის გამგეობაში.

ნინო ექვთიმიშვილი