ეკონომიკა

ზურაბ ჭიაბერაშვილი ლარის გასამყარებლად მთავრობას რჩევებს აძლევს

ნაციონალური მოძრაობის წევრი, ზურაბ ჭიაბერაშვილი ეროვნული ვალუტის გაუფასურებას მთავრობის არაეფექტიან ეკონომიკურ პოლიტიკას უკავშირებს და მმართველ გუნდს რეკომენდაციებს აძლევს.

,,ბიძინა ივანიშვილის მთავრობამ თავისი მავნებლური ეკონომიკური პოლიტიკით მიიყვანა ქვეყანა ასეთ კატასტროფამდე, როდესაც ლარი უკვე ყოველდღიურად უფასურდება, რაც ნიშნავს ჩვენი მოქალაქეების ყოველდღიურ კიდევ უფრო მეტად გაღარიბებას. ყველაზე საგანგაშო ის არის, რომ მთავრობას არანაირი გეგმა არ აქვს, როგორ შეაჩეროს ეს სიტუაცია, როგორ შექმნას ისეთი პირობები, როდესაც ლარი გაჩერდება მაინც და ჩვენი მოქალაქეები აღარ გააგრძელებენ გაღარიბებას.

ჩვენ მუდმივად ვეუბნებით, რომ გასაკეთებელია შემდეგი: მათ ბიუროკრატიული ხარჯები უნდა შეამცირონ, მოიკლონ თვითონ პრემიები და დანამატები, გაბერილი სამივლინებო ხარჯები, კომფორტი და აუცილებელია გადასახადების დაწევა, რომ წვრილმა და საშუალო ბიზნესმა ამოისუნთქოს’’, - აცხადებს ზურაბ ჭიაბერაშვილი.

ნინო ექვთიმიშვილი