უახლესი ამბები
- 22.10.2024 11:46ბიძინა ივანიშვილი დასრულებულია, ბიძინა ივანიშვილს ვადა გაუვიდა - გიორგი ვაშაძე
- 22.10.2024 10:35საქართველოს მთავრობამ 25 ოქტომბერი უქმე დღედ გამოაცხადა
- 22.10.2024 09:20ჩვენ არჩევნების შემდგომ ვაპირებთ აშშ-ის ელჩთან შეხვედრას, უკვე მოვილაპარაკეთ ამაზე - ბიძინა ივანიშვილი
- 22.10.2024 09:09ჩვენ ვართ ერთადერთი პარტია, რომელიც გთავაზობთ როგორც გამდიდრების გზებს, ასევე სამართლიან სასამართლოს და, ზოგადად, სამართლიანი წესრიგის მოწყობის გზებს - ალექსანდრე რაქვიაშვილი
- 22.10.2024 09:03არჩევნების მოგება არ არის გადამწყვეტი, ჩვენ გვჭირდება საკონსტიტუციო უმრავლესობა, რომ „ნაციონალური მოძრაობა“ ავკრძალოთ და მოვიშოროთ - ბიძინა ივანიშვილი
- 22.10.2024 08:46მე უკრაინის დიდი მეგობარი ვარ, ძალიან განვიცდი, რაც იქ ხდება, მე ასეთი ევროპაში შესვლა, რასაც მაგას ექაჩებიან, დიდად არ მომინდებოდა - ბიძინა ივანიშვილი
- 22.10.2024 08:38ჩვენს რეალურ კრიტიკას ვერ ახერხებენ და უნდათ, ვირტუალური რეალობა რეალობად მოგაჩვენონ, ოპოზიცია პრაქტიკულად არ გადის ხალხთან, ტრიბუნაზეც კი არ აესვლებათ - ბიძინა ივანიშვილი
- 22.10.2024 08:28გახარიას დავუმტკიცებთ ყველაფერს, რას და რისთვის აკეთებდა, მისი გუნდის წევრები ამ გარეწართან რომ დგანან, გასამართლება მოუწევთ - ბიძინა ივანიშვილი
არქივი
საზოგადოება
ქალთა მიმართ ძალადობის ფაქტებზე უმკაცრესი რეაგირებაა საჭირო - პრეზიდენტის ადმინისტრაცია
საქართველოს პრეზიდენტის ადმინისტრაციის უფროსის მოვალეობის შემსრულებელმა და პრეზიდენტის მრჩეველმა ჯანდაცვის, სოციალურ, ინოვაციებისა და ბიზნესსექტორთან ურთიერთობის საკითხებში დღეს დამწვრობის ცენტრის რეანიმაციულ განყოფილებაში მყოფი 24 წლის ქალი მოინახულა.
დამწვრობის ცენტრის ხელმძღვანელმა გუგა ქაშიბაძემ პრეზიდენტის ადმინისტრაციის წარმომადგენლებს, ნათია სულავასა და ქეთევან თათოშვილს პაციენტის ამჟამინდელი მდგომარეობისა და შემდგომი მკურნალობის შესახებ დეტალური ინფორმაცია მიაწოდა და აღნიშნა, რომ პაციენტის მდგომარეობა, ამ დროისათვის, მძიმეა.
საქართველოს პრეზიდენტის ადმინისტრაციის უფროსის მოვალეობის შემსრულებლის, ნათია სულავას განცხადებით, პრეზიდენტი ყოველთვის განსაკუთრებულ ყურადღებას იჩენს ქვეყანაში ქალზე ნებისმიერი სახის ძალადობის ფაქტების მიმართ.
"ქალბატონი სალომე ზურაბიშვილი დაინტერესდა რამდენიმე დღის წინ მომხდარი სამწუხარო ფაქტის შედეგად დაზარალებული ახალგაზრდა ქალის ჯანმრთელობის მდგომარეობით.
პრეზიდენტი მიიჩნევს, რომ მსგავსი სახის ყოველი შემთხვევა განსაკუთრებულ ყურადღებას საჭიროებს, როგორც ხელისუფლების, ასევე, საზოგადოების მხრიდან და, რომ არსებითი მნიშვნელობა აქვს მომხდარ ფაქტებზე უმკაცრეს რეაგირებას.
ასევე, ნამდვილად მაღალ შეფასებას იმსახურებს დამწვრობის ცენტრის პერსონალის პროფესიონალიზმი, სწორედ მათი მცდელობით პაციენტის მდგომარეობა დადებით დინამიკაშია.
ჩვენ აქტიურად ვმუშაობთ ქალთა მიმართ ძალადობის საკითხებზე და ამ მიზნით უახლოეს პერიოდში პრეზიდენტის ადმინისტრაციაში განახლდება შეხვედრები ქალთა მიმართ ძალადობის საკითხებზე მომუშავე არასამთავრობო ორგანიზაციებთან", - განაცხადა ნათია სულავამ.