უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
ეკონომიკა
2019 წელს მეწარმეებისთვის ხელმისაწვდომი იქნება 200 მლნ ლარის საკრედიტო პორტფელი - ივანე მაჭავარიანი
ფინანსთა მინისტრის, ივანე მაჭავარიანის განცხადებით, საქართველოს მთავრობა მოქნილი და ლიბერალური საგადასახადო რეჟიმის ფორმირების პარალელურად, აქტიურად ახორციელებს მეწარმეობის ხელშეწყობის პროგრამებს.
მისი თქმით, ეკონომიკისა და მდგრადი განვითარების სამინისტროსთვის გამოყოფილი ასიგნებებიდან, მეწარმეობის ხელშეწყობის პროგრამის ფარგლებში, საკრედიტო საგარანტიო მექანიზმის ამოქმედებისთვის, 2019 წელს გათვალისწინებულია 20 მლნ ლარი.
„აღნიშნული საგარანტიო ფონდის მეშვეობით, მეწარმეებისთვის ხელმისაწვდომი იქნება 200 მლნ ლარის საკრედიტო პორტფელი. 2020 წელს, მოსალოდნელია, რომ სახელმწიფო გაზრდის საგარანტიო ფონდს 50 მლნ ლარამდე, ხოლო 4-5 წლიან პერიოდში აკუმულირებული საგარანტიო ფონდით, შესაძლებელი იქნება 2 მლრდ ლარამდე პორტფელის მობილიზება“, - განაცხადა მან.
როგორც ფინანსთა მინისტრმა აღნიშნა, ჯამურად, 2019 წელს მეწარმეობის ხელშეწყობის პროგრამებისთვის მიიმართება 110.0 მლნ ლარი, რაც ძირითადად, მოიცავს კრედიტის თანადაფინანსებასა და საგარანტიო ფონდს.