უკან

უახლესი ამბები

დღის კალენდარი

ანონსები

არქივი

ეკონომიკა

10 თებერვალი, 2017 13:55
font-size

აფბა: „რუსთავის აზოტის“ მაგალითი ადასტურებს, რომ ქვეყანაში „საქართველოს ბანკის“ „დიქტატი“ გრძელდება

„რუსთავის აზოტის“ ქარხანაში მიმდინარე პროცესებთან დაკავშირებით „ახალგაზრდა ფინანსისტთა და ბიზნესმენთა ასოციაციის“ ანალიტიკოსი ანდრია გვიდიანი აცხადებს, რომ ქარხანაში მიმდინარე პროცესების ირგვლივ, ბევრი პასუხგაუცემელი კითხვაა, რაც, ერთმნიშვნელოვნად, აჩენს როგორც საზოგადოების, ისე შესაბამისი სახელმწიფო სტრუქტურების ჩართულობის აუცილებლობას.

„ბოლო პერიოდში „რუსთავის აზოტის“ ირგვლივ, მედიაში გავრცელებული ინფორმაციების მიხედვით, საკმაოდ ბევრ კითხვა ისმის. გათავისუფლებული მუშების პროტესტმა საკითხის აქტუალობა ერთიორად გაზარდა და, შესაბამისად, სააშკარაოზე გამოვიდა კანონმდებლობის ისეთი ხარვეზები, რაც შრომითი უფლებების დაცვას და კომპანიების მხრიდან მინიმალურ სოციალურ პასუხისმგებლობას ეხება. გარდა ამისა, ყოველგვარ ზღვარს ცდება საქართველოში ბანკების თავგასულობა. არსებობს საფუძვლიანი ეჭვი იმის შესახებ, რომ „რუსთავის აზოტის“ ახალი მფლობელი კომპანია „ეუ ინვესთმენთსი“ პირდაპირ კავშირშია „საქართველოს ბანკთან“. შეუიარაღებელი თვალით, იურიდიული დოკუმენტაციის მიხედვით, „ეუ ინვესთმენთსი“ შესაძლოა დამოუკიდებელ კომპანიად იქნას აღქმული, თუმცა მთელი რიგი ფაქტორები ამყარებს ეჭვს იმის შესახებ, რომ დეფაქტო აღნიშნული კომპანია „საქართველოს ბანკის“ ფაქტობრივ მფლობელობაშია.

კონკრეტულად, ზემოთ ხსენებული „ეუ ინვესთმენთსი“ აზოტის ქარხნის აუქციონამდე რამოდენიმე დღით ადრე დარეგისტრირდა, რომელსაც სააქციო კაპიტალი მხოლოდ 100 ლარი ჰქონდა. თუმცა, „საქართველოს ბანკმა“ ასეთ კომპანიაზე 235 მილიონი ლარის კრედიტი „სიამოვნებით“ გასცა, რომლითაც კომპანიამ „აზოტის ქარხანა“ მართვაში ჩაიგდო.

როგორც ვიცით, 2014 წელს ეროვნულმა ბანკმა შესაბამისი ბრძანების საფუძველზე, კომერციული ბანკების არაპროფილური აქტივების ფლობა აკრძალა. თუმცა, სამწუხაროდ, აღნიშნული რეგულაცია არ მუშაობს და ფაქტები სხვა რამეზე მეტყველებს. შესაბამისად, არაპროფილური აქტივების ფლობის საწინააღმდეგოდ გასატარებელი ბერკეტები პრაქტიკულად არ არსებობს“, - აღნიშნა ანდრია გვიდიანმა.

ანალიტიკოსი რეკომენდაციის სახით ხელისუფლებას მიმართავს და ბანკებისთვის არაპროფილური აქტივების ფლობის საწინააღმდეგო რეგულაციების გამკაცრებისკენ მოუწოდებს.

„კომერციული ბანკებისთვის არაპროფილური აქტივების ფლობა და მათი მხრიდან ტრადიციული საფინანსო მომსახურების მიწოდების ფარგლებიდან გადახვევა, მნიშვნელოვნად აზარალებს კერძო სექტორში კონკურენტული და ჯანსაღი გარემოს ფორმირებას, რასაც ქმედითი ნაბიჯები უნდა დაუპირისპირდეს. უამრავი გარემოება ადასტურებს, რომ დღესდღეობით, ქვეყანაში „საქართველოს ბანკის“ დიქტატი გრძელდება და, რეალურად, ეს ერთი ბანკი ფლობს თითქმის ყველა მსხვილი ბიზნესის აქტივებს. თუმცა, სამწუხაროდ, ამის საწინააღმდეგოდ ქმედითი მექანიზმები არ არსებობს. შესაბამისად, რეკომენდაციის სახით, მივმართავ როგორც ფისკალურ, ისე მონეტარულ და საკანონმდებლო ხელისუფლებას, გატარდეს სისტემური რეფორმები და, შედეგად, გაჩნდეს ქმედითი და ეფექტური ბერკეტები კომერციულ ბანკებისთვის არასაბანკო აქტივების ფლობის აღკვეთის თვალსაზრისით“, - განაცხადა ანდრია გვიდიანმა.

საკვანძო სიტყვები:

კობა გვენეტაძემ ფინანსური ჩართულობისა და ანგარიშვალდებულების პროექტის გახსნით ღონისძიებაში მიიღო მონაწილეობა

24 მაისი, 2019 , 17:45

24 მაისს, სასტუმრო "თბილისი მარიოტში", საქართველოს ეროვნული ბანკის პრეზიდენტმა, კობა გვენეტაძემ მსოფლიო ბანკისა და ევროკავშირის ორგანიზებით გამართულ ფინანსური ჩართულობისა და ანგარიშვალდებულების პროექტის გახსნით ღონისძიებ

„ენერგეტიკისა და წყალმომარაგების შესახებ“ კანონპროექტი ტარიფების ზრდას არ გამოიწვევს - ეკონომიკის სამინისტრო

24 მაისი, 2019 , 17:35

საქართველოში ენერგეტიკული ბაზრის რეფორმა და მათ შორის, კანონპროექტი „ენერგეტიკისა და წყალმომარაგების შესახებ“, რომლის განხილვაც საქართველოს პარლამენტში მიმდინარეობს, მიმართულია მომხმარებლის დასაცავად და ტარიფ

უცხოური ვალუტის ოფიციალური კურსი 24 მაისისთვის - დოლარი - 2.7799 ლარი, ევრო - 3.0954

23 მაისი, 2019 , 17:43

საქართველოს ეროვნული ბანკის მიერ გამოქვეყნებული მონაცემების თანახმად, 24 მაისს ერთი ამერიკული დოლარი 2.7799 ლარი ეღირება, ევრო – 3.0954, ხოლო დიდი ბრიტანეთის გირვანქა სტერლინგი – 3.5160 ლარი. დღეს, 23 მაისს ე

ეროვნული ბანკი ფინანსური ორგანიზაციების მიერ სესხის/კრედიტის ამოღებასთან დაკავშირებული ეთიკის კოდექსის პროექტს აქვეყნებს

23 მაისი, 2019 , 17:15

სამართლებრივი აქტების პროექტების გამოქვეყნების ინიციატივის ფარგლებში, ეროვნული ბანკი "ფინანსური ორგანიზაციების მიერ სესხის/კრედიტის ამოღებასთან დაკავშირებული ეთიკის კოდექსის" პროექტს აქვეყნებს. ეროვნული ბანკის მანდა

ლარი არ უნდა უფასურდებოდეს - ფინანსთა მინისტრის მოადგილე

23 მაისი, 2019 , 14:20

ფინანსთა მინისტრის მოადგილის, გიორგი კაკაურიძის განცხადებით, მოქმედი მიკრო და მაკროეკონომიკური პარამეტრები არ მიუთითებს იმაზე, რომ ლარის კურსი უნდა უფასურდებოდეს. კითხვაზე, ხომ არ დაიხარჯა წინასარჩევნოდ დიდი ფული, რამაც

ქუთაისის საერთაშორისო აეროპორტში ოპერირებას დაბალბიუჯეტიანი ავიაკომპანია SKY UP AIRLINES იწყებს

23 მაისი, 2019 , 12:40

4 ივნისიდან ქუთაისის დავით აღმაშენებლის სახელობის აეროპორტში ოპერირებას უკრაინული დაბალბიუჯეტიანი ავიაკომპანია SKY UP AIRLINES იწყებს. პირდაპირი რეგულარული რეისები ქუთაისად ოდესისა და ხარკოვის მიმართულებით კვირაში ორჯერ,