მოზაიკა
ამერიკელი მუსიკოსი მობი ევროვიზიის ეროვნულ კონკურსში ჯგუფ The Mins-ს გულშემატკივრობს
ცნობილმა ამერიკელმა მუსიკოსმა მობიმ ქართულ ჯგუფ The Mins-ს მხარდაჭერა გამოუცხადა ევროვიზიის ეროვნულ კონკურსში. ამის შესახებ მან საკუთარ ფეისბუქის გვერდზე დაწერა:
“გაავრცელეთ სიმღერის მთავარი გზავნილი და მხარი დაუჭირეთ, რომ მათ წარადგინონ საქართველო ევროვოზიაზე“, - წერს მობი.
მობი, იგივე რიჩარდ მელვილ ჰოლი, ამერიკელი დიჯეი, კომპოზიტორი და მულტიინსტრუმენტალისტია.
მუსიკოსმა მსოფლიო მასშტაბით 20 მილიონზე მეტი ალბომი გაყიდა. გარდა ამისა, მობი აქტიურ სამოქალაქო ცხოვრებას ეწევა. ის იბრძვის ცხოველთა უფლებებისთვის.
ევროვიზიის ეროვნულ კონკურსის ფინალი 20 იანვარს ჩატარდება. მასში 25 მონაწილე გამოდის, ხოლო გამარჯვებული SMS-ების საშუალებით გამოვლინდება. სწორედ პარასკევს გახდება ცნობილი, ვინ წარადგენს საქართველოს ევროვიზია 2017-ზე, რომელიც კიევში გაიმართება.
ანა მებურიშვილი