უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
მოზაიკა
ბათუმს ცნობილი ფრანგი მუსიკოსი მიშელ სონი ეწვია
ბათუმის მე-5 კლასიკური მუსიკის საერთაშორისო ფესტივალის ფარგლებში ბათუმს ცნობილი ფრანგი კომპოზიტორი, მეთოდოლოგი და ქველმოქმედი მიშელ სონი ეწვია.
ბათუმის საერთაშორისო აეროპორტში მიშელ სონის ბათუმის კლასიკური მუსიკის საერთაშორისო ფესტივალის ორგანიზატორი, ცნობილი ქართველი პიანისტი, იუნესკოს მშვიდობის ელჩი ელისო ბოლქვაძე დახვდა.
მიშელ სონი 1995 წლიდან ხელმძღვანელობს მუსიკალურ ინსტიტუტს - „ვილა შინდლერი ავსტრიაში“, სადაც მან ჩამოაყალიბა ფონდ ‘’SOS Talents ‘’-ის ახალი თაობა. მისი ხელშეწყობით მუსიკალურ სფეროში მრავალმა ახალგაზრდა მუსიკოსმა შეძლო თავის წარმოჩენა და წარმატებული კარიერის დაწყება.
„მე კარგად ვიცნობ საქართველოს, მინდა ვთქვა რომ ყოველთვის განსაკუთრებულ ემოციას ვგრძნობ, როცა აქ ჩამოვდივარ. მოუთმენლად ველი ბათუმში ახალი ტალანტების მოსმენას. მჯერა, ბევრ ახალ ნიჭიერ ახალგაზრდას აღმოვაჩენთ. ბათუმი შარმით გამორჩეული, ძალიან ორიგინალური ქალაქია და მიხარია, რომ მას კიდევ ერთხელ აღმოვაჩენ“- განაცხადა ცნობილმა მუსიკოსმა საქართველოში ჩამოსვლისას.
მიშელ სონის შემუშავებული აქვს უნიკალური საფორტეპიანო მეთოდი, რომელმაც რევოლუცია მოახდინა მუსიკალურ სამყაროში, ჩამოაყალიბა ფორტეპიანოს ათვისების ახალი ცნობიერება და 45 წელია დიდი წარმატებით სარგებლობს.
ბათუმის მე-5 კლასიკური მუსიკის საერთაშორისო ფესტივალის ფარგლებში მიშელ სონი ახალგაზრდა, ნიჭიერი ქართველი მუსიკოსებისთვის ჩაატარებს მასტერ-კლასებს.
მიშელ სონი არის მრავალი მუსიკის სამეცნიერო წიგნის ავტორი, რომლებსაც პრესტიჟული ფრანგული გამომცემლობები ბეჭდავენ. ასევე, მისი მუსიკალური და დიდაქტიკური ნაწარმოებები გამოცემულია მსოფლიოში ცნობილი გამომცემლობის - Edition Musicales Durand-ის მიერ.
მიშელ სონი ამავდროულად არის ლიტვის სახელმწიფოს საპატიო კონსული შვეიცარიაში.
კლასიკური მუსიკის საერთაშორისო ფესტივალი Batumi Music Fest ბათუმში 2-8 სექტემბერს გაიმართება. Batumi Music Fest-ი დასრულდება 8 სექტემბერს ცნობილი ფრანგი პიანისტისა და კომპოზიტორის, მიშელ სონის საერთაშორისო ფონდ SOS Talnets-ის ვარსკვლავების კონცერტით. ფესტივალი ბათუმში აჭარის განათლების, კულტურისა და სპორტის სამინისტროს და აჭარის ტურიზმის დეპარტამენტის საინფორმაციო მხარდაჭერით იმართება.