რეგიონები

ბათუმში მომხდარი ავტოავარიის შედეგად 9 ადამიანი დაშავდა

ბათუმში, აეროპორტის გზატკეცილზე მომხდარი ავტოსაგზაო შემთხვევის შედეგად, 9 ადამიანი დაშავდა.

დაშავებულები სამედიცინო დაწესებულებაში არიან გადაყვანილი. ავარია დღეს, დილის რვა საათზე, მოხდა. ერთმანეთს მუნიციპალური ავტობუსი და სატვირთო მანქანა შეეჯახენ. ინფორმაციას და ფაქტის ამსახველ ფოტომასალას ajaratv.ge ავრცელებს.

შინაგან საქმეთა სამინისტროს ინფორმაციით, ავტოსაგზაო შემთხვევის ფაქტზე გამოძიება სისხლის სამართლის კოდექსის 276-ე მუხლის 1-ელი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.