რეგიონები

ბათუმში პნევმონიით ორი ადამიანი დაიღუპა

აჭარის საზოგადოებრივი ჯანდაცვის ცენტრის ინფორმაციით, ბათუმში ორი ადამიანი პნევმონიით გარდაიცვალა.

ცენტრის დირექტორის მოვალეობის შემსრულებელი ნინო ნიჟარაძე თავდაპირველად გავრცელებულ ინფორმაციას გამოეხმაურა, რომლის თანახმადაც, ორი ადამიანის გარდაცვალების მიზეზად გრიპი დასახელდა.

„ეს არ იყო გრიპით გარდაცვალება, ეს არის პნევმონიით გარდაცვალება. პნევმონიის გარდაცვალება ხდება როგორც ზამთრის სეზონზე, ისე ზაფხულში. შესაბამისად, აქ უჩვეულო არაფერი ხდება. გრიპი ეს არის მწვავე ვირუსული დაავადება, პნევმონია კი შეიძლება ვირუსის გარეშეც დაემართოს ადამიანს“, - აცხადებს ნინო ნიჟარაძე.

აჭარის საზოგადოებრივი ჯანდაცვის ცენტრის ბოლო მონაცემებით, აჭარაში გრიპის შემთხვევებმა იმატა.

ნინო ექვთიმიშვილი