არქივი
მოზაიკა
“ჩაისუნთქე-ამოისუნთქე” - ქართული კინო შანხაის საერთაშორისო კინოფესტივალზე
15-25 ივნისს აზიაში ერთ-ერთი ყველაზე მნიშვნელოვანი კინომოვლენა – შანხაის საერთაშორისო კინოფესტივალი გაიმართება.
ფესტივალის მთავარ საკონკურსო პროგრამაშია გერმანიაში მოღვაწე ქართველი რეჟისორის – დიტო ცინცაძის ფილმი “ჩაისუნთქე-ამოისუნთქე”, რომელიც საქართველოს, შვედეთის და რუსეთის კოპროდუქციაა.
ფილმის მსოფლიო პრემიერა შანხაიში 22 ივნისს შედგება.
ფილმების კვირეული THE BELT AND ROAD ფესტივალის ფარგლებში არაერთ კინოჩვენებას უმასპინძლებს. მათ შორის იქნება თინათინ ყაჯრიშვილის ფილმი “ჰორიზონტი”. ფილმის მსოფლიო პრემიერა შარშან ბერლინის საერთაშორისო კინოფესტივალზე გაიმართა.
აღსანიშნავია, რომ ფესტივალების წარმომადგენლებისთვის და დისტრიბუტორებითვის კიდევ ერთი ქართული ფილმის,“შინდისი” ჩვენება შედგება, რომელიც 2008 წლის რუსეთ-საქართველოს ომის გმირებზეა გადაღებული.