მოზაიკა

ჩინეთში ფრინველის გრიპის ძლიერი ვირუსი მძვინვარებს

ჩინეთის ხელისუფლება ყველაზე საშიში ფრინველის გრიპის ვირუსის შეჩერებას ცდილობს. გრიპის შტამია H7N9.

მედიის ინფორმაციით, მიმდინარე წლის იანვრიდან გრიპს 87 ადამიანის სიცოცხლე ემსხვერპლა.

ქვეყნის ხელისუფლებამ, სამხრეთსა და ცენტრალურ რაიონებში ფრინველის ბაზრების დაკეტვის გადაწყვეტილბა მიიღო, გარდა ამისა, ფრინველის ტრანსპორტირების კონტროლის გამკაცრებული ზომებია შემოღებული.

ხელისუფლების ინფორმაციით, გრიპით დაავადების შემთხვევების უმეტესობა შინაურ ფრინველთან კონტაქტს უკავშირდება. ხშირად ეს ბაზრებსა და ფერმებზე ხდება.

ექსპერტები ჩინეთის ხელისუფლებას აკრიტიკებენ, რომ ისინი ეპიდემიაზე არასათანადოდ რეაგირებენ.

2013 წელს ჩინეთში ფრინველის გრიპს რამდენიმე ათეული ადამიანის სიცოცხლე ემსხვერპლა.

მონიკა დავლიანიძე