უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
მოზაიკა
დღეს გაიმართება კონფერენცია „ქართული დიასპორა - დღევანდელობა და გამოწვევები’’
დღეს დიასპორის საკითხებში საქართველოს სახელმწიფო მინისტრის აპარატის ორგანიზებით ჩატარდება კონფერენცია – „ქართული დიასპორა - დღევანდელობა და გამოწვევები“, რომლიც ივ. ჯავახიშვილის სახელობის თბილისის სახელმწიფო უნივერსიტეტთან თანამშრომლობით (თსუ-ს I კორპუსში, ი.ჭავჭავაძის გამზირი, N1) გაიმართება.
კონფერენციას ოფიციალურად გახსნის დიასპორის საკითხებში საქართველოს სახელმწიფო მინისტრი გელა დუმბაძე. მიწვეულ სტუმრებს მისასალმებელი სიტყვით მიმართავენ საქართველოს პრეზიდენტი, გიორგი მარგველაშვილი, საქართველოს პრემიერ-მინისტრი, გიორგი კვირიკაშვილი, ივ. ჯავახიშვილის სახელობის თბილისის სახელმწიფო უნივერსიტეტის რექტორი, გიორგი შარვაშიძე, მიგრაციის საერთაშორისო ორგანიზაციის (IOM) მისიის ხელმძღცვანელი, ილიანა დერილოვა და მიგრაციის პოლიტიკის განვითარების საერთაშორისო ცენტრის (ICMPD) მისიის ხელმძღვანელი, ვიოლეტა ვაგნერი.
ღონისძიებაში ასევე, მონაწილეობას მიიღებენ საქართველოში აკრედიტებული დიპლომატიური კორპუსის წარმომადგენლები, საზღვარგარეთ მოქმედი საკვირაო სკოლების ხელმძღვანელები, საქართველოს ხელისუფლებისა და კერძო სექტორის წარმომადგენლები, საერთაშორისო და არასამთავრობო ორგანიზაციები, აკადემიური წრეების წარმომადგენლები.
ოფიციალური გახსნის ნაწილის შემდეგ მონაწილეები მუშაობას განაგრძობენ სხვადასხვა თემატურ ჯგუფებში - „ლევილის მამული და მისი მომავალი“, „განათლებისა და მეცნიერების საკითხები და ახალგაზრდობა“ და „დიასპორული ინვესტიციები“.
თემატურ ჯგუფში „ლევილის მამული და მისი მომავალი“ მოხსენებით წარსდგებიან საქართველოს იუსტიციის მინისტრი, თეა წულუკიანი, დაბა ლევილის მერი, ერიკ ბრევი, რომელიც კონფერენციაზე სტუმრის სტატუსით არის მოწვეული, ასევე, საქართველოს პირველი რესპუბლიკის მთავრობის მეთაურთა შთამომავლები, ირენ ციციშვილი და ტიერ ბერიშვილი.
კონფერენცია მიზნად ისახავს საზოგადოების ყურადღების მიაპყრობას დიასპორის წინაშე არსებულ პრობლემატიკაზე. ამ მიზნით, ფორუმის მონაწილეები იმსჯელებენ კონკრეტულ სფეროში არსებულ გამოწვევებზე, ეფექტური თანამშრომლობის გზებზე, თემატურ ჯგუფებში, მოხსენებების შემდეგ გაიმართება დისკუსია და დებატები, რათა გამოიკვეთოს დიასპორის წარმომადგენელთა ინიციატივები, პრობლემათა გადაჭრის პერსპექტივები და ჩამოყალიბდეს საერთო სტატეგია, რასაც სამომავლოდ რეალური შედეგები მოჰყვება.