უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
რეგიონები
დიპლომატიური კორპუსის წარმომადგენლები რუხის სავაჭრო ცენტრს ესტუმრნენ
საქართველოში აკრედიტებული დიპლომატიური კორპუსის წარმომადგენლები რუხის მულტიფუნქციურ სავაჭრო ცენტრს ესტუმრნენ.
სავაჭრო ცენტრის დირექტორმა, დავით მაჭავარიანმა ელჩებს ცენტრის შესახებ ინფორმაცია მიაწოდა და მის მნიშვნელობაზე ესაუბრა.
"პროექტის განხორციელების ძირითადი მიზანი იყო ე.წ. საზღვრის მიღმა მცხოვრები მოსახლეობისთვის ცხოვრების პირობების გაუმჯობესება, რათა მათ შეძლებოდათ თავის საცხოვრებელი ადგილიდან მაქსიმალურად ახლოს მიეღოთ საჭირო პროდუქტი და მომსახურება,“ აღნიშნა დავით მაჭავარიანმა.
საპარტნიორო ფონდმა რუხის სავაჭრო ცენტრის სამშენებლო სამუშაოები 2015 წლის სექტემბერში დაიწყო და 2016 წლის იანვარში დაასრულდა. მშენებლობის პროცესში ობიექტზე დასაქმებული იყო 300 ადგილობრივი მაცხოვრებელი. ცენტრი გაიხსნა გაზაფხულზე და მუდმივად უკვე დაასაქმა 30–მდე ადგილობრივი.
საპარტნიორო ფონდის ინფორმაციით, კომპანიების სრულყოფილი ფუნქციონირებისთვის ფონდმა მიმზიდველი კომერციული და ტექნიკური პირობები შექმნა. სავაჭრო ცენტრში წარმოდგენილია საცალო და საბითუმო, ავეჯისა და ტექნიკის მაღაზიები, ჰიპერმარკეტი, ღია ტიპის ბაზარი, იუსტიციის სამინისტროს საზოგადოებრივი ცენტრი, საფინანსო და საბანკო მომსახურების ობიექტები, ავტოსერვისი, ფოსტა, აფთიაქი და სხვა. ცენტრში საკუთარი მაღაზიები უკვე გახსნეს გორგიამ, საგამ, თეგეტა მოტორსმა, ლიბრემ და სხვა.
სავაჭრო ცენტრის შუა ნაწილში განთავსებულია ღია ბაზარი, სადაც შესაძლებელია ადგილობრივი მაცხოვრებლების მიერ მათ მიერ მოყვანილი სასოფლო სამეურნეო პროდუქტების რეალიზება, ღია ბაზარი სულ 370 დახლს მოიცავს.
შენობების საერთო ფართი 10000 მ2-ს შეადგენს, კომპლექსი ჯამში 10 შენობითაა წარმოდგენილი, ხოლო სავაჭრო ცენტრის საერთო განაშენიანების ფართობი 5 ჰექტარია. შენობები აგებულია ევროპული სტანდარტის დაცვით, რომელიც მიღებულია ამ ტიპის ობიქტების მშენებლობაში.
სავაჭრო ფართები აღჭურვილია განათების, ვენტილაცია/კონდიცირების, გათბობის თანამედროვე სისტემებით. პროექტის ღირებულება 15 მლნ ლარამდეა.
საქართველოს საგარეო საქმეთა სამინისტროს ინიციატივით, საქართველოში აკრედიტებული დიპლომატიური კორპუსის წარმომადგენლები სამეგრელოს რეგიონს 28–29 მაისს ეწვივნენ.