მოზაიკა

დონალდ ტრამპმა ვლადიმირ პუტინის იმიჯს დიდი დარტყმა მიაყენა - ექსპერტი

სამხედრო ექსპერტი, „ყოველკვირეული ჟურნალის“ მთავარი რედაქტორი ალექსანდრე გოლცი მიიჩნევს, რომ ამერიკის მიერ სირიაზე მიტანილი სარაკეტო იერიში - „ვლადიმირ პუტინის იმიჯისთვის მიყენებული დიდი დარტყმაა“.

ამის შესახებ ექსპერტმა ფრანგულ გამოცემა RFI-თან საუბარში განაცხადა.

მისი თქით, როდესაც რუსეთმა სირიაში ჰაერსაწინააღმდეგო საშუალებები განათავსა, ირიბად მიანიშნა, რომ თუ ბაშარ ასადზე იქნა მიყენებული საჰაერო იერიში- აუცილებლად ჩაერეოდა.

„თუმცა ახლა რუსეთი არ ჩაერია. „შესაძლო ინციდენტების არიდების“ მემორანდუმიც კი დატოვა. რაც ნიშნავს, ერთის მხრივ, რომ ამიერიდან ამერიკელები არ არიან ვალდებული სირიაში საკუთარი ქმედებების შესახებ რუსეთს შეატყობინონ, და მეორეს მხრივ, რუსეთი იტოვებს შესაძლებლობას იმოქმედოს ისე, როგორც საჭიროდ ჩათვლის“,-აღნიშნა ექსპერტმა.

მისი თქმით, შეიქმნა ისეთი ვითარება, რომ ორივე მხარემ თამასა აწია.

„ახლა ჩვენ ძალიან უსიამოვნო ვითარებაში აღმოვჩნდით, როდესაც ორი ქვეყნის შეიარაღებული ძალები, შესაძლოა, უშუალო სამხედრო დაპირსპირებაში აღმოჩნდნენ. რუსეთი პრეზიდენტ ბარაქ ობამას ამგვარი ვითრების შექმნით წარმატებით აშანტაჟებდა. და ობამა ცდილობდა ეს ვითარება აერიდებინა.თუმცა, ტრამპი არ შეშინდა. და ყველაფერი შესაძლოა, ძალიან ცუდად დასრულდეს. ტრამპმა ცალსახად აჩვენა, რომ იმოქმედებს ისე, როგორც საჭიროდ ჩათვლის“,-განაცხადა ალექსანდრე გოლცმა.

მონიკა დავლიანიძე