რეგიონები

ძლიერმა წვიმამა გურია დააზარალა

ძლიერი წვიმის შედეგად გურიის რამდენიმე სოფელი, ასევე ოზურგეთის ცენტრალური ნაწილი და ქუჩები დაიტბორა.

ოზურგეთში საავტომობილო მოძრაობა საპატრულო პოლიციამ დროებით შეაჩერა.

გარდა ამისა, სოფელ შემოქმედში, წვიმამ 10-მდე ოჯახი დატბორა. წყალი საცხოვრებელი სახლების პირველ სართულებზე შევარდა და საყოფაცხოვრებო ნივთები დააზიანა, ასევე გაანადგურა წლევანდელი მოსამვალი.

„წყალი შემოვიდა, მეზობლებმა დამეხმარეს, გამგეობიდანაც იყვნენ მოსულები. თხილი გამიფუჭდა“,- განაცხადა ჟურნალისტებთან საუბარში ადგილობრივმა მცხოვრებმა მანანა დარჩიძემ.

მდგომარეობა ასევე რთულია, სოფელ ჭყონადოშიც, სადაც მოსახლეობა დახმარებას ითხოვს.

მონიკა დავლიანიძე