კომენტარი

ეს სტატისტიკა უნდა გამოქვეყნდეს, არ უნდა დაიმალოს - ირმა ინაშვილი

პარლამენტის ვიცე-სპიკერი, ფრაქცია ,,პატრიოტთა ალიანსის’’ წევრი, ირმა ინაშვილი შს მინისტრის იმ გადაწყვეტილებას გამოეხმაურა, რომლის თანახადამაც, შსს დანაშაულის სტატისტიკას აღარ აქვეყნებს.

,,მე ვეთანხმები შს მინისტრს იმაში, რომ სტატისტიკით ხშირად ხდება მანიპულაცია, ან გაზვიადება ან შავ ფერებში დახატვა ამ პროცესის. მაგრამ არავითარ შემთხვევაში არ ვუჭერ მე მხარს ინფორმაციის ბლოკირებას. ეს სტატისტიკა უნდა გამოქვეყნდეს, არ უნდა დაიმალოს და არ უნდა მოხდეს ამის დაბლოკვა მედიისთვის და საზოგადოებისთვის’’, - განუცხადა ჟურნალისტებს ირმა ინაშვილმა.

შეგახსენებთ, რომ შს მინისტრის, გიორგი მღებრიშვილის გადაწყვეტილებით, ძალოვანი უწყება დანაშაულის სტატისტიკას აღარ აქვეყნებს.

როგორც მღებრიშვილი აცხადებს, სტატისტიკის გამოქვეყნებას სამინისტროს კანონი არ ავალდებულებს.

ნინო ექვთიმიშვილი