უკან

უახლესი ამბები

დღის კალენდარი

ანონსები

არქივი

რეგიონები

15 დეკემბერი, 2016 16:30
font-size

ფოთის პორტში ვითარების გამოსასწორებლად მთავრობა პორტის მმართველ კომპანიასთან ერთად 24- საათიან რეჟიმში მუშაობს

ეკონომიკისა და მდგრადი განვითარების მინისტრის მოადგილე დავით ხუციშვილი ფოთის ნავსადგურში არსებული მდგომარეობის გამო ნავსადგურის მმართველ კომპანია „APM ტერმინალსის“ კომერციულ დირექტორს, ჯოზეფ ქროულს შეხვდა. მხარეებმა ფოთის ნავსადგურში არსებულ მდგომარეობასა და ვითარების გამოსწორების ღონისძიებებზე იმსჯელეს.

ეკონომიკის სამინისტროს ცნობით, შეხვედრაზე აღინიშნა, რომ ფოთის ნავსადგური უამინდობის გამო შეფერხებებით მუშაობს. წლევანდელი ზამთრის მკაცრი მეტეოპირობების გამო, 3 დეკემბერს ღამით ძლიერი შტორმის შედეგად ფოთში ტალღების სიმაღლემ 6 მეტრს მიაღწია. მდინარე რიონის ადიდებამ ზღვაში დიდი რაოდენობის ნაშალი მასალისა და ქვა-ღორღის ჩატანა გამოიწვია. შედეგად, ფოთის ნავსადგურში წყლის სიღრმე 5 მეტრამდე შემცირდა. ასეთი მოცულობის ქვა-ღორღის შეტანის ფაქტი და სტიქიური მოვლენები, ბოლო ათწლეულის განმავლობაში მეტეოროლოგებს არ ახსოვთ.

„სტიქიიდან გამომდინარე, დღეს ფოთის პორტი სრული წარმადობით ვერ ფუნქციონირებს. ტვირთების ნაწილის გადამისამართება ბათუმის პორტში მოხდა და მათთან 24 საათიან რეჟიმში ვმუშაობთ. თვითონ პორტის ხელმძღვანელობაც აქტიურადაა ჩართული ფოთიდან გადამისამართებული გემების მომსახურების პროცესში. მენეჯმენტი ცდილობს გადააწყოს მისი რესურსები გემების დროული მომსახურების მიზნით“ - განაცხადა დავით ხუციშვილმა.

ფოთის ნავსადგურის მმართველი კომპანიის „APM ტერმინალსის“ კომერციული დირექტორის ინფორმაციით, 7 მეტრამდე არხის გასაღრმავებლად, დაახლოებით 10 000 კუბური მეტრი ქვიშა-ღორღის ამოღებაა საჭირო, ხოლო 9 მეტრამდე - დამატებით 60 000 კუბური მეტრი. ამისთვის კომპანიას ბულგარეთიდან სპეციალური ტექნიკა შემოყავს.

მანამდე კი გემების მომსახურება ბათუმის ნავსადგურში მიმდინარეობს, რათა პრობლემები არ შეექმნას ბიზნესის იმ ნაწილს, რომლებიც ფოთის პორტის მომსახურებაზე არიან დამოკიდებულნი. ეკონომიკისა და მდგრადი განვითარების სამინისტრო ყველა შესაბამის სამსახურთან კოორდინაციის რეჟიმში მუშაობს, რათა მაქსიმალურად მოკლე დროში გახდეს შესაძლებელი ნავსადგურის სრულყოფილი ფუნქციონირება.

ამინდის შედარებით გაუმჯობესების გამო, დღეიდან ნავსადგურის შესასვლელი არხის გაწმენდისა და გაღრმავების სამუშაოები ინტესიურად დაიწყება და ეტაპობრივად გაიზრდება ნავსადგურში გემების მიღების შესაძლებლობა. პრობლების სრული აღმოფხვრა 28 დეკემბრამდეა დაგეგმილი.

საკვანძო სიტყვები:

სოფელ ქვახვრელში დოეს-გრაკალის სარწყავი არხი გაიწმინდა

4 ივნისი, 2020 , 14:15

გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ წყალუზრუნველყოფილი და დრენირებული ფართობების გაზრდის მიზნით, სამელიორაციო ინფრასტრუქტურულ პროექტებს ქვეყნის მასშტაბით აქტიურად ახო

უკვე შეგვიძლია გადავდგათ ნაბიჯი თეთრიწყაროს რაიონის გახსნის მიმართულებით - გიორგი გახარია

4 ივნისი, 2020 , 12:26

„ვფიქრობთ, რომ უკვე შეგვიძლია გადავდგათ ნაბიჯი თეთრიწყაროს რაიონის გახსნის მიმართულებით, ამავე დროს, მოვუწოდებთ თეთრიწყაროელებს, დავიცვათ მაქსიმალური სიფრთხილე,“ - ამის შესახებ საქართველოს პრემიერ-მინისტრმა გ

საქართველოში ატმის კრეფის სეზონი იწყება

3 ივნისი, 2020 , 16:05

წელს, კახეთის რეგიონში ატმისა და ვაშლატამას საპროგნოზო მოსავლის საერთო რაოდენობა 35 000 ტონას შეადგენს. გარემოს დაცვისა და სოფლის მეურნეობის მინისტრის მოადგილის, სოლომონ პავლიაშვილის განცხადებით, მოსავლის საერთო მოცულობი

გარემოს დაცვისა და სოფლის მეურნეობის სამინისტროს ინიციატივით, საგარეჯოში „საქმიანი ეზო“ მოეწყო

3 ივნისი, 2020 , 12:10

ეროვნული სატყეო სააგენტო ხე-ტყის დამზადების პრაქტიკას ცვლის. სოციალური ჭრები ეტაპობრივად გაუქმდება, სააგენტო ორგანიზებულად განახორციელებს ხე-ტყის დამზადებას, დახარისხებასა და დასაწყობებას ე.წ. „საქმიან ეზოებში&ldqu

ქვემო ქართლში ახალი სამაცივრე მეურნეობა გაიხსნა

2 ივნისი, 2020 , 11:00

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი, USAID-საქართველოს მისიის დირექტორთან, პიტერ ვიბლერთან ერთად, ქვემო ქართლის რეგიონში იმყოფებოდა, სადაც შპს „აგროკომპლექსის” ხილ

დევნილებისთვის დასავლეთ საქართველოსა და შიდა ქართლის რეგიონში 122 სახლი აშენდება

1 ივნისი, 2020 , 16:25

გერმანიის მთავრობის მიერ დაფინანსებული პროექტის ფარგლებში, დასავლეთ საქართველოსა და შიდა ქართლის რეგიონში, დევნილი ოჯახების საკუთრებაში არსებულ მიწის ნაკვეთებზე სახლები აშენდება. პროექტში მონაწილეობა იმ იძულებით გადაადგი

პირდაპირი TV

daily calendar

ვიდეო გალერეა

ქრისტე აღსდგა!