ეკონომიკა

გალარების პროგრამის ფარგლებში 71 მლნ დოლარის მოცულობის სესხი გალარდა - გიორგი ცუცქირიძე

"საქართველოს ბანკების ასოციაციის" აღმასრულებელი დირექტორის, გიორგი ცუცქირიძის განცხადებით, 17 მარტის მდგომარებით, გალარებული სესხების რაოდენობამ 5 092 მსესხებელს მიაღწია, გალარებული სესხების მოცულობა კი, 70.9 მილიონ ლარია.

პრესკონფერენციაზე ცუცქირიძემ პროგრამა დადებითად შეაფასა

“ამ დროის მონაცემებით, გალარების პროგრამით 5092-მა მსესხებელმა ისარგებლა. გალარებული სესხების მოცულობა 70.9 მლნ ლარია.

როგორც წინა, 27 თებერვალს ჩატარებულ პრესკონფერენციაზე აღვნიშნე, უკვე თებერვლის მეორე ნახევრიდან აქტივობა საკმაოდ მომატებული იყო და 24 თებერვლისთვის მხოლოდ ბოლო 10 დღეში გალარებული სესხების რაოდენობა იყო გაორმაგებული და ეს მაჩვენებელი უკვე 1 700 მსესხებელს აღემატებოდა. შესაბამისად, ჩვენი პროგნოზიც იყო ოპტიმისტური. უნდა აღვნიშნო, რომ ჩვენი პროგნოზი და მოლოდინები მთლიანად გამართლდა და 17 მარტის მდგომარეობით, გალარებული სესხების რაოდენობამ 5 092 მსესხებელს მიაღწია, ხოლო გალარებული სესხების მოცულობამ 70.9 მლნ. ლარი შეადგინა, რაც გასალარებელი პორტფელის რაოდენობრივად 18,8 %, ხოლო თანხობრივად 17,75 %-ს შეადგენს, ანუ ამ 24 თებერვლიდან 17 მარტამდე პერიოდში, გალარებული სესხების რაოდენობა პრაქტიკულად გასამმაგდა”,- განაცხადა ცუცქირიძემ.

ცუცქირიძემ პროგრამა დადებითად შეაფასა და მედიას, ბანკებს და ეროვნულ ბანკს ჩატარებული საინფორმაციო კამპანიისთვის მადლობა გადაუხადა.

ცუცქირიძე მიიჩნევს, რომ ლარიზაციის პროცესში გალარება პოზიტიური როლის შემსრულებელი იყო.

მონიკა დავლიანიძე