რეგიონები

გორსა და სოფელ მატანში დაინფიცირების მიზეზი 100-კაციანი ქორწილია - მარინა ეზუგბაია

თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, გორსა და სოფელ მატანში ინფიცირების შემთხვევები 5 სექტემბერს გორში გამართულ 100-კაციან ქორწილს უკავშირდება.

ეზუგბაია მოქალაქეებს კვლავ მიმართავს თხოვნით, თავყრილობებს მოერიდონ.

„გორში 5 სექტემბერს კვლავ ჩატარდა 100-კაციანი ქორწილი, რაც გახდა მიზეზი გორსა და ახმეტის მუნიციპალიტეტის სოფელ მატანში პირების დაინფიცირების. მოსახლეობას, მოქალაქეებს კვლავ მოვუწოდებთ, თავი შეიკავონ ფართომასშტაბიანი ღონისძიებების ჩატარებისგან და არსებულ, დაწესებულ შეზღუდვებს დაემორჩილონ, თუ არადა მრავალი ასეთი შედეგი დადგება, რაც კიდევ უფრო ცუდად წაადგება სიტუაციას“, – განაცხადა ერზუგბაიამ.

ცნობისთვის, საქართველოში კორონავირუსის 165 ახალი შემთხვევა გამოვლინდა და ინფიცირების შემთხვევათა რაოდენობა 2392 გახდა.