რეგიონები

გორში მოზარდს ავტომობილი დაეჯახა

გორში, ჭალის დასახლებაში, 13 წლის მოზარდს მსუბუქი ავტომობილი დაეჯახა.

არსებული ინფორმაციით, შემთხვევა გუშინ, იმ დროს მოხდა, როდესაც მოზარდი ველოსიპედით მოძრაობდა.

ბავშვს დაზიანებები თავის არეში აქვს მიყენებული. ის, გადაუდებელი სამედიცინო დახმარების გაწევის შემდეგ, კლინიკა „გორმედიდან“ თბილისში გადაიყვანეს.

ფაქტზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.

ავტომობილის მძღოლი შემთხვევის ადგილიდან არ მიმალულა.

ნინო ექვთიმიშვილი