უკან

უახლესი ამბები

დღის კალენდარი

ანონსები

არქივი

ეკონომიკა

29 აპრილი, 2014 15:59
font-size

ისრაელის სახლში ჰოლოკოსტისადმი მიძღვნილი გამოფენა და ბუკლეტის პრეზენტაცია გაიმართა

ისრაელის სახლში ჰოლოკოსტის მსხვერპლთა ხსოვნისადმი მიძღვნილი გამოფენა და ბუკლეტის _“ქართველი შინდლერები” პრეზენტაცია გაიმართა. ღონისძიება ჰოლოკოსტის დოკუმენტური კადრების ფონზე, ებრაული ნაციონალური სიმღერით ~ელი ელი~ გაიხსნა.

სტუმრებს შორის იყვნენ საქართველოს განათლების მინისტრი თამარ სანიკიძე, ისრაელის ელჩი საქართველოში იუვალ ფუქსი, ქართულ-ებრაულ 26-საუკუნოვანი მეგობრობის იუბილესთან დაკავშირებით შექმნილი სამთავრობო კომისიის თანათავმჯდომარე ჯამლეტ ხუხაშვილი, ებრაული დიასპორისა და აკადემიური წრის წარმომადგენლები, ერთ-ერთი ქართველი შინდლერის, სერგი მეტრეველის შვილი აკაკი მეტრეველი და სხვ.

როგორც ღონისძიების ორგანიზატორმა, საქართველო ისრაელის ბიზნეს პალატის ხელმძღვანელმა და ისრაელის სახლის დამფუძნებელმა იციკ მოშემ განაცხადა, ქართველი შინდლერების ისტორია ერთ-ერთი შესანიშნავი ისტორიული ფურცელია და ის საქართველო-ისრაელისა და საქართველო-მსოფლიო ებრაელობის ურთიერთობებში ახალ შესაძლებლობებს იძლევა.

`გვჯერა, რომ ეს არის ერთ-ერთი და ყველაზე მნიშვნელოვანი ხიდი ჩვენი ერების, ჩვენი ქვეყნების ურთიერთობაში და ქართველების პოპულარიზაცია ისრაელში ამ კუთხით ძალიან მნიშვნელოვანი იქნება. ვაკეთებთ ყველაფერს, რომ ჩვენი ერების ურთიერთობები გადავზარდოთ საქართველო- ისრაელის ურთიერთობებში”, _ განაცხადა იციკ მოშემ.

ღონისძიებაზე დამსწრე საზოგადოებას იციკ მოშემ ჰოლოკოსტის წლებში ებრაელთა დახმარება- გადარჩენაში მონაწილე ქართველების შესახებ დოკუმენტური ფილმის მომზადების, იერუსალიმის მემორიალურ მუზეუმში მათი სახელების უკვდავყოფის მიზნით, ებრაულ და ქართულ პროფესიონალურ წრეებში მათი ღვაწლის განხილვის დაწყების ინიციატივა გააცნო.

საქართველო ისრაელის ბიზნეს პალატის ხელმძღვანელმა დამსწრე საზოგადოებას წარუდგინა, აგრეთვე, ერთ-ერთი ქართველი შინდლერის, სერგი მეტრეველის შვილი აკაკი მეტრეველი და მას მამის ღვაწლისთვის მსოფლიო ებრალების სახელით მადლობა გადაუხადა და იერუსალიმში მასპინძლობას დაჰპირდა.

ღონისძიების მონაწილეებს საქართველოს განათლებისა და მეცნიერების მინისტრმა თამარ სანიკიძემაც მიმართა. მისი თქმით, იგი ამაყია, რომ ქართველთა რიგებში აღმოჩნდნენ ისეთი ადამიანები, რომლებსაც დიდი წვლილი მიუძღვით ჰოლოკოსტის წლებში ებრაელთა სიცოცხლის გადარჩენაში. “დარწმუნებული ვარ, რომ ისრაელ-საქართველოს მეგობრობა განმტკიცდება და ნამდვილად დავადასტურებთ, რომ ჩვენ ვართ ღირსეული პარტნიორები და ღირსეული მეგობრები. ჩვენ აქტიურად ვართ ჩართული ჰოლოკოსტის წლებში ებრაელთა გადარჩენაში მონაწილე ქართველების შესახებ დოკუმენტური ფილმის მომზადებაში და დარწმუნებული ვარ, რომ ამ კუთხით ძალიან ბევრი სიურპრიზი გველოდება”, _ დასძინა განათლების მინისტრმა.

ღონისძიებაზე სიტყვით გამოვიდა, აგრეთვე, ისრაელის ელჩი იუვალ ფუქსი, რომელმაც ნაცისტური რეჟიმის მიერ 6 მილიონი უდანაშაულო ებრაელის განადგურებისა და ქართველი შინდლერების დამსახურებაზე ისაუბრა. ჰოლოკოსტის დღესთან დაკავშირებით გამართული ღონისძიებისთვის კი ორგანიზატორებს მადლობა გადაუხადა.

ქართულ-ებრაულ 26- საუკუნოვანი მეგობრობის იუბილესთან დაკავშირებით შექმნილი სამთავრობო კომისიის თანათავმჯდომარე ჯამლეტ ხუხაშვილი მიესალმა საქართველო-ისრაელის ბიზნეს პალატისა და ისრაელის სახლის ინიციატივას ქართველი შინდლერების ღვაწლის პროფესიონალურ დონეზე შესწავლის შესახებ და დასძინა, რომ დარწმუნებულია, ამოტივტივდება კიდევ არაერთი ქართველის სახელი, ვინც დიდი კატასტროფის წლებში გვერდში დაუდგა ებრაელ ხალხს.
გამოფენაზე ჰოლოკოსტის წლებში დაღუპულთა ხსოვნას წუთიერი დუმილით პატივი მიაგეს.

შეგახსენებთ, რომ 28 აპრილს ისრაელსა და მსოფლიო ებრაელობამ ჰოლოკოსტის მსხვერპლი 6 მილიონი ებრაელის, მათ შორის 1 მილიონი ბავშვის ხსოვნის დღე აღნიშნა.

ია მგალობლიშვილი

საკვანძო სიტყვები:

საქართველოში ბიზნესსექტორის ბრუნვის მოცულობა 38.5 პროცენტით გაიზარდა - საქსტატი

3 დეკემბერი, 2021 , 14:35

სტატისტიკის ეროვნული სამსახურის ინფორმაციით, ბიზნესსექტორის ბრუნვის მოცულობა 2021 წლის მესამე კვარტალში გასული წლის შესაბამის პერიოდთან შედარებით 38.5 პროცენტით გაიზარდა და 40.5 მილიარდი ლარი შეადგინა. საქსტატის ცნობით,

ოქტომბერში საქართველოს ეკონომიკა 6.9 პროცენტით გაიზარდა - საქსტატი

30 ნოემბერი, 2021 , 13:19

სტატისტიკის ეროვნული სამსახურის წინასწარი შეფასებით, 2021 წლის ოქტომბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 6.9 პროცენტი შეადგინა, ხოლო 2021 წლის პირველი ათი თვის საშუალო მაჩვ

ოქტომბრის ეკონომიკური ზრდის პროგნოზი არის 7%-მდე, რაც ჯამში 10 თვეში 10,5% გამოდის - ეს უპრეცენდენტო ზრდაა არა თუ რეგიონში, მთელს ევროპაში - ირაკლი ღარიბაშვილი

29 ნოემბერი, 2021 , 14:02

ოქტომბრის ეკონომიკური ზრდის პროგნოზი არის 7%-მდე, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცადა. პრემიერის თქმით, ეს უპრეცენდენტო ზრდაა არა თუ რეგიონში, არამედ მთელს ევროპა

პრემიერ-მინისტრ ირაკლი ღარიბაშვილის ხელმძღვანელობით ინვესტორთა საბჭოს სხდომა გაიმართა

25 ნოემბერი, 2021 , 15:55

საქართველოში არსებული საინვესტიციო გარემო, კოვიდ-19-ის პანდემიის გავლენა ეკონომიკაზე, ვაქცინაციის პროცესი და პირდაპირი უცხოური ინვესტიციების მოზიდვის კუთხით გადასადგმელი ნაბიჯები განიხილეს ინვესტორთა საბჭოს მორიგ სხდომაზ

2022 წლის იანვარში მთლიანი შიდა პროდუქტი იქნება 65 მილიარდი ლარი და ეს იქნება ისტორიული მაქსიმუმი - ირაკლი ღარიბაშვილი

22 ნოემბერი, 2021 , 12:58

2022 წლის იანვარში მთლიანი შიდა პროდუქტი იქნება 65 მილიარდი ლარი და ეს იქნება ისტორიული მაქსიმუმი, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა. როგორც პრემიერმა აღნიშნა,

101 მლნ ევროს სესხი საქართველოში შემოსავლის გაზრდას და რეგიონულ განვითარებას დაეხმარება -აზიის განვითარების ბანკი

11 ნოემბერი, 2021 , 10:11

აზიის განვითარების ბანკის 101 მლნ ევროს სესხი საქართველოში შემოსავლის გაზრდას და რეგიონულ განვითარებას დაეხმარება. როგორც აზიის განვითარების ბანკის მიერ გავრცელებულ ინფორმაციაშია ნათქვამი, აზიის განვითარების ბანკის მიერ

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი