უკან

უახლესი ამბები

დღის კალენდარი

ანონსები

არქივი

ეკონომიკა

6 ნოემბერი, 2015 15:12
font-size

იული ედელშტეინი – ისრაელის სახლის კონცეფციაზე: დასრულდა ის დრო, როდესაც ელჩები ოფისებში ჰალსტუხებით ისხდნენ და ეგონათ, რომ მათი აზრი საინტერესო იყო

საქართველოში ოფიციალური ვიზიტით მყოფი ისრაელის ქნესეთის (პარლამენტი) თავმჯდომარე იული ედელშტეინი, ქნესეთის ვიცე-სპიკერი ხილიკ ბარი, პარლამენტი დავიდ ბიტანი და დელეგაციის სხვა წევრები თბილისის ისრაელის სახლში დაგეგმილ ისრაელის საერთაშორისო მხარდაჭერისა და საქართველო-ისრაელის ურთიერთობათა ახალი კონცეფციის პრეზენტაციას დაესწრნენ.

ისრაელის სახლის მიერ მომზადებული კონცეფცია საერთაშორისო ასპარეზზე და, უპირველეს ყოვლისა, მეგობარ ქვეყნებში ისრაელისადმი სოლიდარობის გაძლიერებასა და ორმხრივი პირდაპირი თანამშრომლობის გააქტიურებას ითვალისწინებს.

სტუმრებს თავდაპირველად, სიტყვით მიმართა საქართველო-ისრაელის ბიზნეს პალატის პრეზიდენტმა და ისრაელის სახლის დამფუძნებელმა იციკ მოშემ.
მისი თქმით, ისრაელის სახლის კონცეფცია _ ჰასბარა და თანამშრომლობა მორგებულია თანამედროვე მსოფლიო რეალობაზე და პასუხობს, ერთი მხრივ, ისრაელის სიცოცხლო ინტერესებს და, მეორე მხრივ, ამზადებს ნიადაგს ქვეყნებთან ისრაელის ურთიერთხელსაყრელი კავშირების გაღრმავებისთვის.

იციკ მოშემ სტუმრებს წარუდგინა ვიდეოკლიპი, რომელშიც ასახულია ისრაელის სახლის კონცეფციის დედაარსი, აქტივობები, შედეგები, ინიციატივები და გეგმები. კლიპი მოიცავს, აგრეთვე, ისტორიულ კადრებს, როდესაც საბჭოთა სივრცეში მსოფლიო ებრაული სააგენტოს პირველი ხელმძღვანელის რანგში, იციკ მოშე იწყებს ახლად შექმნილ სახელმწიფოებთან ისრაელის დიპლომატიური ურთიერთობებისთვის საფუძვლის ჩაყრასა და დიდი ალიის განხორციელებას.
როგორც იციკ მოშემ აღნიშნა, 25 წლის შემდეგ ისტორია მეორდება და საერთაშორისო ასპარეზზე ისრაელისადმი სოლიდარობის შესუსტების ფონზე, ჰასბარა (ისრაელის მხარდაჭერა და განმარტება) ისევ საქართველოდან იწყება და მას ისრაელის სახლი ახორციელებს. იგი მალე საერთაშორისო პროექტი გახდება, რადგან ქნესეთის მიერ მხარდაჭერილია ინიციატივა, რომ ისრაელის სახლის ქსელი სხვა ქვეყნებშიც ამოქმედდეს. პირველი ასეთი წარმომადგენლობა გაისად ბალტიისპირეთში, კერძოდ ლატვიაში გაიხსნება.

პრეზენტაციას მიესალმა, აგრეთვე, ქნესეთის თავმჯდომარე იული ედელშტეინიც. `დასრულდა ის დრო, როდესაც ელჩები ოფისებში ჰალსტუხებით ისხდნენ და ეგონათ, რომ მათი აზრი საინტერესო იყო. დღეს თუ არ გააკეთე და შექმენი, არავინ მოგისმენს~, _ განაცხადა ედელშტეინმა და დასძინა, რომ იგი მხარს უჭერს ისრაელის სახლის საქმიანობას, მით უფრო იმ ფონზე, რომ თანამედროვე მსოფლიო მოწმეა მზარდი ანტისემიტიზმისა და ანტიისრაელური კამპანიისა.
დამსწრე საზოგადოებას სიტყვით მიმართა ქნესეთის ვიცე-სპიკერმა ხილიკ ბარმა. მისი თქმით, ჰასბარასა და ორმხრივ კავშირებზე სხვა ქვეყნებშიც ზრუნავენ და მასში ასობით ადამიანი და სისტემაა ჩართული, განსხვავებით საქართველოსგან, სადაც ამ მიმართულებით გაცილებით მეტი კეთდება და ეს არის ერთი ადამიანის საზოგადოებრივი საქმიანობის შედეგი. `ამ ადამიანმა _ იციკ მოშემ, ერთნაირად მაღალ დონეზე იცის დიპლომატიაც, ეკონომიკაც, ქვეყნებიც და აქვს უდიდესი გამოცდილებაც როგორც ჰასბარას წარმოებაში, ისე ორმხრივი კავშირების ჩამოყალიბებაში~, _ განაცხადა ხილიკ ბარმა.

პრეზენტაციაზე ახალგაზრდა ქართველმა მომღერალმა ქრისტი ჯაფარიძემ ორი ებრაული სიმღერა შეასრულა. მის `იერუშალაიმს~ ქნესეთის დელეგაციაც აჰყვა.
ღონისძიებას ესწრებოდნენ ქართული და ისრაელის ტელევიზიების, აგრეთვე, საინფორმაციო სააგენტოების წარმომადგენლები.

საკვანძო სიტყვები:

200 ათას ლარამდე სესხის აღება მხოლოდ ეროვნულ ვალუტაშია შესაძლებელი

23 იანვარი, 2019 , 17:42

დღეიდან 200 ათას ლარამდე ოდენობის სესხის აღება მხოლოდ ეროვნულ ვალუტაში იქნება შესაძლებელი. საქართველოს სამოქალაქო კოდექსით გათვალისწინებული ახალი ზღვარი ძალაში დღეიდან შევიდა. “თუ საქართველოს კანონმდებლობით სხვა რა

ეროვნულმა ბანკმა ლარის ახალი კურსი დაადგინა

23 იანვარი, 2019 , 17:34

საქართველოს ეროვნული ბანკის მიერ 24 იანვრისთვის დადგენილი კურსით, ერთი ამერიკული დოლარის ოფიციალური ღირებულება 2.6599 ლარია. აქამდე მოქმედი კურსით ლარი 2.6611 ღირდა. შესაბამისად, ლარის კურსი დოლართან მიმართებით 0.0012-ით

ეროვნულმა ბანკმა 15 000 000 აშშ დოლარი შეისყიდა

23 იანვარი, 2019 , 16:36

დღეს გამართულ საქართველოს ეროვნული ბანკის სავალუტო აუქციონზე სებ-მა 15 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6601 შეადგინა.

თავისუფალი ეკონომიკის განვითარების მხრივ საერთაშორისო ორგანიზაციებისგან კარგი შეფასებები გვაქვს - დავით ზალკალიანი

23 იანვარი, 2019 , 14:54

საქართველოს თავისუფალი ეკონომიკის განვითარების თვალსაზრისით, ასევე სავაჭრო და სატრანსპორტო პოტენციალის შესაძლებლობის კუთხით ყველა საერთაშორისო ორგანიზაციის მხრიდან კარგი შეფასებები აქვს, – ამის შესახებ საგარეო საქმ

ეროვნულმა ბანკმა ლარის ახალი კურსი დაადგინა

23 იანვარი, 2019 , 09:00

საქართველოს ეროვნული ბანკის მიერ 23 იანვრისთვის დადგენილი კურსით, ერთი ამერიკული დოლარის ოფიციალური ღირებულება 2.6611 ლარია. აქამდე მოქმედი კურსით ლარი 2.6613 ღირდა. შესაბამისად, ლარის კურსი დოლართან მიმართებით 0.0002-ით

კომპანია Stena Rederi საქართველოდან ევროპისა და აზიის ქვეყნების მიმართულებით საზღვაო გადაზიდვების ორგანიზებით დაინტერესდა

22 იანვარი, 2019 , 18:27

საზღვაო გადაზიდვების სფეროში ერთ-ერთი უმსხვილესი კომპანია Stena Rederi საქართველოდან ევროპისა და აზიის ქვეყნების მიმართულებით საზღვაო გადაზიდვების ორგანიზებით დაინტერესდა, - ამის შესახებ საქართველოს&n

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`