უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
რეგიონები
კახეთის რეგიონში პროფესიული განათლების ახალი შესაძლებლობები იქმნება
საქართველოს განათლების, მეცნიერების, კულტურისა და სპორტის სამინისტროსა და ღვინის მწარმოებელ კომპანია „მეღვინეობა ხარებას“ შორის პროფესიული განათლების მიმართულებით მრავალმხრივი თანამშრომლობა იწყება.
პირველ ეტაპზე, კომპანია გეგმავს დუალური პროგრამების განხორციელებას თელავის პროფესიულ კოლეჯთან თანამშრომლობით და ასევე, რეგიონის მოსახლეობისთვის პროფესიული მომზადებისა და გადამზადების პროგრამების შეთავაზებას.
ამ მნიშნელოვან სიახლესთან დაკავშირებით, საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილი „მეღვინეობა ხარებასა“ და კოლეჯ „პრესტიჟის“ წარმომადგენლებს ყვარელში შეხვდა. შეხვედრის ფარგლებში განიხილეს პროფესიული განათლების შესაძლებლობები კერძო სექტორის განვითარების მიმართულებით. მხარეებმა ასევე ხაზი გაუსვეს, რომ დუალური პროგრამების დანერგვით მნიშვნელოვნად გაიზარდა პროფესიული განათლების კურსდამთავრებულთა დასაქმების მაჩვენებელი და მათი კონკურენტუნარიანობა შრომის ბაზარზე.
თამარ ქიტიაშვილი: „მოხარული ვარ, რომ ყვარლის მუნიციპალიტეტში გაჩნდება პროფესიული განათლების მიწოდების ახალი შესაძლებლობა; ეს არის მისასალმებელი ფაქტი ვინაიდან კერძო კომპანიასა და საგანმანათლებლო დაწესებულებას შორის თანამშრომლობა არის საუკეთესო ფორმატი პროფესიული განათლების განვითარებისთვის. ჩვენ იმედი გვაქვს რომ ეს თანამშრომლობა ნაყოფიერ შედეგს გამოიღებს“.
დუალური სწავლებისას კერძო კომპანია და პროფესიული კოლეჯი ერთობლივად გეგმავენ და ახორციელებენ პროგრამას, სტუდენტი სწავლის პროცესში მნიშვნელოვან სამუშაო გამოცდილებასაც იღებს. კომპანიასთან ამგვარი თანამშრომლობა სიახლეა კოლეჯ „პრესტიჟისათვის“, რომელიც თელავში ფუნქციონირებს და ამჟამად მნიშვნელოვანი განახლების პროცესშია. კერძოდ, მიმდინარეობს კოლეჯის ინფრასტრუქტურის სრული რეაბილიტაცია და რეგიონის საჭიროებების შესაბამისად ახალი პროგრამების მომზადება.