უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
არქივი
რეგიონები
კარლ ჰარცელი ევროკავშირის მხარდაჭერით განხორციელებული პროექტების დასათვალიერებლად კახეთს ესტუმრა
ევროკავშირის ელჩი საქართველოში, კარლ ჰარცელი, ეკონომიკური განვითარების, ადამიანის უფლებების, სამოქალაქო საზოგადოების, გარემოს დაცვის, ენერგოეფექტურობის, სოფლის მეურნეობისა და სხვა სფეროებისთვის ევროკავშირის მხარდაჭერით განხორციელებული პროექტების დასათვალიერებლად კახეთის რეგიონის ესტუმრა. ამის შესახებ „მედიანიუსს“ საქართელოში ევროკავშირის წარმომადგენლობიდან აცნობეს.
პირველი პროექტი, რომელიც მან მოინახულა თელავის „სმენისა და მეტყველების სახლი“ იყო, რომელიც სმენისა და მეტყველების პრობლემების მქონე ბავშვებსა და მოზარდებს ემსახურება. ის ევროკავშირის პროექტის “თანაბარი შესაძლებლობები შეზღუდული შესაძლებლობების მქონე პირთათვის - სოფლად სოციალური მომსახურების მომწოდებელთა მხარდაჭერა“ ფარგლებში უზრუნველყოფილი გრანტის დახმარებით შეიქმნა.
ევროკავშირის მდგრადი ენერგიის კვირეულის ფარგლებში ელჩმა ევროკავშირის ენერგოეფექტურობის ჯილდოს მფლობელი ორი პროექტიც დაათვალიერა: თელავის მუნიციპალიტეტის „მერების შეთანხმების“ პროექტის ფარგლებში მიმდინარე იყალთოს საბავშვო ბაღის ენერგოეფექტური რეაბილიტაცია და მეღვინეობა „შილდა“, რომელმაც ევროკავშირის მხარდაჭერით ენერგოეფექტური წარმოებისთვის საჭირო აღჭურვილობა შეიძინა.
ელჩი ჰარცელი ასევე შეხვდა სამოქალაქო საზოგადოების ორგანიზაციების წარმომადგენლებს.
კახეთში ორდღიანი ვიზიტის ფარგლებში ელჩმა აგრეთვე მოინახულა პროექტები ეკონომიკური განვითარების სფეროდან. ყვარელში ის ეწვია ორ საწარმოს, რომლებმაც ევროკავშირისა და EBRD-ის ერთობლივი ბიზნეს პროგრამის ფარგლებში ისარგებლეს საკონსულტაციო მხარდაჭერით:
„არომა პროდუქტი“ ექსპორტზე ორიენტირებული კომპანიაა, რომელიც ამუშავებს ხილსა და ბოსტნეულს და აწარმოებს მაღალი ხარისხის ნატურალურ წვენებს. კომპანია აწარმოებს პროდუქციის ექსპორტს მსოფლიოს 40 ქვეყანაში.
კომპანია „ყვარლის ბაგა“ კი ყვარელში მდებარე რძის მწარმოებელი საწარმოა, რომელმაც ისარგებლა მხარდაჭერით როგორც სწორი ფინანსური მართვის კუთხით, ასევე აგრონომიის სპეციალისტების კონსულტაციით.
თამარიანში ელჩი ჰარცელი სოფლის მეურნეობის სადემონსტრაციო ნაკვეთს ეწვია, რომელიც FAO-ს მიერ განხორციელებული ევროკავშირის პროგრამის მხარდაჭერით გაშენდა. პროექტი თანამედროვე ფერმერული მიდგომების უპირატესობების წარმოაჩენს, ეხმარება ადგილობრივ ფერმერებს პროდუქციისთვის ახალი ბაზრების მოძიებაში და სტაჟირების მეშვეობით ახორციელებს ახალგაზრდა ფერმერების ტრენინგს.
ევროკავშირის მხარდაჭერით კახეთში განხორციელებული პროექტების დათვალიერების მიზნით ელჩის ვიზიტმა ასევე მისცა მას საშუალება განეხილა ადგილობრივ ხელისუფლებასთან, ბიზნესის წარმომადგენლებთან, ფერმერებთან, სამოქალაქო საზოგადოებასთან, მედიასთან და სხვა დაინტერესებულ მხარეებთან COVID-19-ის გავლენა, რამაც მათ საქმიანობასა და ფუნქციონირება ზეგავლენა იქონია. გარდა ამისა, მათ პანდემიის შემდგომი აღდგენისა და რეაბილიტაციის პერსპექტივებიც განიხილეს.