უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
მოზაიკა
ხელოვნების ფესტივალი „კამერა ობსკურა: ბერლინი - თბილისი“ ფაბრიკაში საზეიმოდ დაიხურება
23 სექტემბერს 18:00 საათიდან ფაბრიკაში ხელოვნების ფესტივალის „კამერა ობსკურა: ბერლინი - თბილისი“ საზეიმო დახურვა გაიმართება.
როგორც მედიანიუსს გერმანიის საელჩოდან აცნობეს, ღია ცის ქვეშ ქართული-გერმანულ საღამოზე, რომელიც თბილისისა და ბერლინის მეგობრობას ეძღვნება, პირველად გაიმართება ახლად შექმნილი ქართულ-გერმანული ჯაზ-კვინტეტის კონცერტი რეზო კიკნაძის (საქსაფონი), მანფრედ ბრიუნდლის (ბასი), მათიას ლინდერმაიერის (საყვირი), ლუკა თოფურიას (კლავიში), ირაკლი ჭოლაძის (დასარტყამი ინსტრუმენტები) შემადგენლობით. ჯაზ-კვინტეტის კონცერტამდე, ფაბრიკის ტერიტორია დაერთმობა ბერლინი-თბილისის მეგობრობის ზეიმს, ფაბრიკის ეზოში თემატური პროექციები მოეწყობა და გაიმართება კინოჩვენებაც.
მესაყვირე მათიას ლინდერმაიერს 2012 წელს მოგებული აქვს Biberach Jazz პრიზი და kurt Maas-ის ჯილდო, ხოლო მანფრედ ბრიუნდლის, ვაიმარის მუსიკის უნივერსიტეტის პროფესორს, 2012 წელს მიღებული აქვს ისეთი პრესტიჟული ჯილდო, როგორიცაა SWR Jazz პრიზი. ის არის მსოფლიოში პირველი კულტურათაშორისი ჯაზის ჯილდოს, პირველი ACHAVA ჯაზის ჯილდოს ინიციატორი და სამხატვრო ხელმძღვანელი, 19 წლის მანძილზე ვაიმარში Internatonal Jazzmile Workshop-ის სამხატვრო ხელმძღვანელი.
ამავე საღამოს ბერლინიდან ჩამოსული დიჯეები შტეფან გოლდმანი და ბერლინის ელექტრონული სცენის ერთ-ერთი პირველი ლეგენდარული კლუბის WATERGATE-ის რეზიდენტი პატლაკი დაუკრავენ. პატლაკის როგორც DJ-ს და პროდიუსერის შემოქმედებაზე გავლენა იქონია ხანგრძლივმა მეგობრობამ მათიას მაიერთან. მისი პირველი EP გამოვიდა ჰამბურგის ლეიბლით liebe*detail.
შტეფან გოლდმანი ქმნის ინოვაციურ,ელექტრონულ მუსიკას, რომელიც ტექნოს საფუძველზე (თრექი, რასტერი,სემპლი და ლუპი) არის აგებული. ტექნოთრექების გარდა, ძირითადად მუშაობს ცეკვების, ანსამბლებისა და ფილმებისთვის (შეკვეთები MaerzMusik Berlin-ის NyMusikk ნოვერგიისა და BASF კულტურის პროგრამისგან). გამოშვებული აქვს მრავალი ჩანაწერი, დაარსა ლეიბლი Marco და არის DJ მსოფლიოს მასშტაბით. მრავალ საერთაშორისო პროექტებს შორის გაკეთებული აქვს Live პერფორმანსები ისეთ პროექტებში, როგორებიცაა:
LACMA ლოს ანჟელესი, The Mutek Festival მონრეალი, The Honen in Temple Kyoto და The Centro Cultural Kirchner ბუენოს აირესში.ბერლინში მისი სახელი მკვეთრად ასოცირდება კლუბთან “Berghain“, რომლისთვისაც აქვს ღონისძიებების სპეციალური ფორმატი „ელექტროაკუსტიკური სალონი“.
საქართველო-გერმანიის წლის ფარგლებში ხელოვნების ფესტივალი „კამერა ობსკურა: ბერლინი-თბილისი“, რომელიც 19 სექტემბერს დაიწყო და 24 სექტემბრამდე გაგრძელდება, გერმანიის საელჩოს მხარდაჭერით და გერმანული კომპანია RCCR Projects-ის, ქართული სააგენტო Ex: Sound-ის ორგანიზებით წელს პირველად იმართება.
ხელოვნების ფესტივალი „Camera Obscura ბერლინი-თბილისი“ გერმანელი და ქართველი ხელოვანების მონაწილეობით ორ ქვეყანას შორის ხელოვნებისა და მუსიკის სფეროებში დიალოგის გაღრმავებას ეძღვნება, თუმცა მის ძირითად თემას ორი დედაქალაქის - თბილისისა და ბერლინის კულტურული ურთიერთობები წარმოადგენს. ფესტივალის ფარგლებში დაგეგმილი ღონისძიებები მოიცავს კლასიკური მუსიკის კონცერტს, ჯაზ კონცერტს, ფოტოგამოფენას, დისკუსიებსა და კლუბურ საღამოს ბერლინელი დიჯეების მონაწილეობით. ფესტივალში მონაწილეობას იღებენ გერმანიიდან ჩამოსული ის ცნობილი ხელოვანები, რომლებიც გარდა იმისა, რომ საკუთარ შემოქმედებას წარმოადგენენ, ქართველ კოლეგებს თავის პროფესიულ გამოცდილებასაც გაუზიარებენ.