უკან

უახლესი ამბები

დღის კალენდარი

ანონსები

არქივი

მოზაიკა

22 სექტემბერი, 2017 15:30
font-size

ხელოვნების მუზეუმში გაიხსნება გამოფენა „უკანასკნელი ფურცელი - იური დოიჩისა და კატია კრაუსოვას ფოტოგრაფიული მოგზაურობა“

25 სექტემბერს, 18:00 საათზე, საქართველოს ეროვნული მუზეუმის შალვა ამირანაშვილის სახელობის ხელოვნების მუზეუმში გაიხსნება გამოფენა „უკანასკნელი ფურცელი - იური დოიჩისა და კატია კრაუსოვას ფოტოგრაფიული მოგზაურობა“.

საქართველოს ეროვნული მუზეუმი და სლოვაკეთის საელჩო საქართველოში დაინტერესებულ პირებს გამოფენაზე დასასწრებად იწვევს.

ფოტოგრაფი იური დოიჩი და დოკუმენტური ფილმის გადამღები ჯგუფი აღმოსავლეთ სლოვაკეთში, მიტოვებულ სკოლაში ინტუიციის წყალობით აღმოჩნდნენ. აქ დრო 1942 წლის ერთ დღეს გაჩერდა, როცა ყველა მოსწავლე საკონცენტრაციო ბანაკებში წაიყვანეს. იქ ჯერაც შემორჩენილია მათი სახელმძღვანელოები, გასწორებული საშინაო დავალების რვეულები და ნიშნების ფურცლები, კარადაში შაქარიც კი დევს... მტვრიან თაროებზე შემორჩენილი ეს დაფერფლილი წიგნები - ერთ დროს აყვავებული კულტურის გადმონაშთები - იური დოიჩისთვის გადარჩენილი ინდივიდებია. საოცრად მეტყველია მის მიერ შექმნილი თითოეული წიგნის, მათი ნატიფი სილამაზის ამსახველი პორტრეტი.

ეროვნული მუზეუმის ინფორმაციით, აღნიშნული გამოფენა ფართომასშტაბიანი პროექტის ნაწილს წარმოადგენს, რომელიც მაყურებლის წინაშე პირველად ბრატისლავაში, სლოვაკეთის ეროვნულ მუზეუმში წარსდგა, შემდეგ - პრაღასა და კემბრიჯში და იმთავითვე დიდი აღიარება ხვდა წილად.

2011 წელს პროექტი შეერთებულ შტატებსა და კანადაში ჩავიდა. ჯერ იყო გამოფენა ნიუ-იორკში, შემდეგ ინდიანას შტატის ქალაქ ბლუმინგტონსა და ოტავაში. ტურნე გაგრძელდა ევროპაშიც. „უკანასკნელი ფურცელი“ ბრიუსელში ევროკომისიის შენობასა და პიერ ბერჟეს ფონდში, ასევე კოშიცეში - 2013 წლის ევროპის კულტურის დედაქალაქში გამოიფინა. ექსპოზიცია შედგა რომშიც, იტალიის ეროვნულ ბიბლიოთეკაში, ხოლო 2014 წელს - ვენის ხელოვნების აკადემიაში.

2015 წელს, მეორე მსოფლიო ომის დასრულებისა და აუშვიცის გათავისუფლების 70-ე წლისთავისადმი მიძღვნილი გამოფენა უკანასკნელი ფურცელი ლატვიაში, მარკ როტკოს ხელოვნების ცენტრში, ნიუ-იორკში გაეროს შენობაში, ბერლინში გერმანიის ეროვნულ ბიბლიოთეკაში, ბოსტონში ტაფტის უნივერსიტეტის ხელოვნების გალერეაში, მოსკოვის ებრაულ მუზეუმსა და ტოლერანტობის ცენტრში გაიმართა.

ვაშინგტონის ვუდრო ვილსონის ცენტრის შემდეგ ექსპოზიციამ 2016 წელს სან პაულუში, იერუსალიმსა და კანადაში იმოგზაურა. კანადაში მას ჰამილტონის სამხატვრო გალერეამ უმასპინძლა. 2017 წლის დასაწყისში ბრაზილიის ეროვნულ მუზეუმში უკანასკნელი ფურცელი 50 დღის განმავლობაში ორმოცდაჩვიდმეტი ათასზე მეტმა ადამიანმა დაათვალიერა.

მიმდინარე გამოფენის რამდენიმე ნამუშევარი უკვე კონგრესის ბიბლიოთეკის მუდმივი კოლექციის ნაწილია.

საქართველოში დღეს ცვალებად ამინდს ელიან

19 აპრილი, 2018 , 09:00

სინოპტიკოსები საქართველოში დღეისთვის არამდგრად ამინდს პროგნოზირებენ. გარემოს ეროვნული სააგენტოს ინფორმაციით, დასავლეთ საქართველოში დროგამოშვებით ღრუბლიანობა მოიმატებს. დღის მეორე ნახევრიდან ზოგიერთ რაიონში მოსალოდნელია ხ

საქართველოში ხვალ ცვალებად ამინდს ელიან

18 აპრილი, 2018 , 14:55

სინოპტიკოსები საქართველოში ხვალისთვის არამდგრად ამინდს პროგნოზირებენ. გარემოს ეროვნული სააგენტოს ინფორმაციით, დასავლეთ საქართველოში დროგამოშვებით ღრუბლიანობა მოიმატებს. დღის მეორე ნახევრიდან ზოგიერთ რაიონში მოსალოდნელია

საქართველოში დღეს +26 გრადუსამდე დათბება

18 აპრილი, 2018 , 09:00

სინოპტიკოსები საქართველოში დღეს უმეტესად უნალექო ამინდს პროგნოზირებენ. გარემოს დაცვის ეროვნული სააგენტოს ინფორმაციით, დასავლეთ საქართველოში მოსალოდნელია უნალექო ამინდი. იქროლებს აღმოსავლეთის ქარი 10-15 მეტრი/წამში. ჰაერი

საქართველოში ხვალ +26 გრადუსამდე დათბება

17 აპრილი, 2018 , 16:30

სინოპტიკოსები საქართველოში ხვალ უმეტესად უნალექო ამინდს პროგნოზირებენ. გარემოს დაცვის ეროვნული სააგენტოს ინფორმაციით, დასავლეთ საქართველოში მოსალოდნელია უნალექო ამინდი. იქროლებს აღმოსავლეთის ქარი 10-15 მეტრი/წამში. ჰაერი

ცხოველური წარმოშობის დაავადებები, რომელებიც ადამიანებში ლეტალურ შედეგს იწვევენ

17 აპრილი, 2018 , 13:50

საქართველოში, საყურე ნიშნებით იდენტიფიცირებულია მსხვილფეხა საქონლის 90%-ზე მეტი, რაც ქვეყანაში სურსათის უვნებლობის ასევე კეთილსაიმედო გარემოს გარანტიაა. თუმცა, არაერთი კვლევა ადასტურებს, რომ ქვეყანაში პრობლემად რჩება ფერ

საქართველოში დღეს უმეტესად უნალექო ამინდს ელიან

17 აპრილი, 2018 , 09:00

სინოპტიკოსები საქართველოში დღეისთვის უმეტესად უნალექო ამინდს პროგნოზირებენ. გარემოს დაცვის ეროვნული სააგენტოს ინფორმაციით, დასავლეთ საქართველოში მოსალოდნელია უმეტესად უნალექო ამინდი. იქროლებს აღმოსავლეთის ქარი 10-15 მეტრ

ვიდეო გალერეა

ინტერვიუ ვანიჩკასთან - ნატო ჩხეიძე