რეგიონები

ხობში ხანძრის შედეგად დაშავებული 67 წლის მამაკაცი გარდაიცვალა

ხობში, საცხოვრებელ სახლში გაჩენილი ხანძრის შედეგად დაშავებული 67 წლის მამაკაცი თბილისის დამწვრობის ცენტრში გარდაიცვალა.

შემთხვევის შედეგად სულ 7 ადამიანი დაშავდა, რომელთაგან ორი მცირეწლოვანია.

დამწვრობის სიმძიმიდან გამომდინარე 5 დაშავებულის თბილისში გადმოყვანა გახდა საჭირო.

ერთ-ერთი ვერსიით, ცეცხლი აფეთქებას მოყვა. როგორც დაშავებულები ჰყვებიან აფეთქება მას შემდეგ მოხდა, რაც სახლში დაბრუნებულებმა შუქი აანთეს.

„სამწუხაროდ , ერთი პაციენტი 7 საათზე დაახლოებით გარდაიცვალა. მას აღენიშნებოდა სხეული უნივერსალური დამწვრობა 95 პროცენტი, სასუნთქი გზების დაზიანება, უმძიმესი დამწვრობითი შოკი. დანარჩენი პაციენტები იმყოფებიან დამწვრობის ცენტრის რეანიმაციულ განყოფილებაში კრიტიკულ მდგომარეობაში,“- აცხადებს დაწვრობის ცენტრის დირექტორი გუგა ქაშიბაძე.