უკან

უახლესი ამბები

დღის კალენდარი

ანონსები

არქივი

ეკონომიკა

3 ივნისი, 2020 18:03
font-size

ხუთი ბიზნეს ასოციაცია მთავრობას მიმართავს

ხუთ ბიზნეს ასოციაცია საქართველოს მთავრობის მისამართით ერთობლივ განცხადებას ავრცელებს, რომელსაც ხელს ევროკავშირი-საქართველოს ბიზნეს საბჭო, საერთაშორისო სავაჭრო პალატა საქართველოში, დისტრიბუტორთა ბიზნეს ასოციაცია, გადასახადის გადამხდელთა კავშირი და საქართველოს მწარმოებელთა ფედერაცია აწერენ.

"კოვიდ 19“-ის გავრცელებასთან დაკავშირებულ რთულ პერიოდში, რიგმა ბიზნეს ასოციაციებმა არაერთხელ მიმართეს საქართველოს მთავრობას რეკომენდაციებით, რაც განპირობებული იყო ქვეყანაში ეკონომიკური სტაბილურობის შენარჩუნების, ბიზნესის სამართლიანი ინტერესების დაცვისა და კრიზისულ პერიოდში კონკრეტული დახმარებების გაწევის მიზნით.

მიუხედავად იმისა, რომ რამოდენიმე რეკომენდაცია საბოლოო ჯამში გათვალისწინებულ იქნა, ბიზნეს ასოციაციებს არ მიუღიათ მთავრობისგან გამოხმაურება შეთავაზებებზე და ვხედავთ საფრთხეს, რომ ხელისუფლება შემოდგომაზე მარტო დარჩება იმ დიდ გამოწვევასთან, რასაც ჰქვია მზარდი ეკონომიკური კრიზისი.

აქვე უნდა აღინიშნოს, რომ ბოლო პერიოდში შეიმჩნევა საკმაოდ არასწორი ტენდენცია ბიზნესთან თანამშრომლობის ჭრილში, რაც გულისხმობს რომ მთავრობას არ აქვს შესაბამისი კომუნიკაცია და უკუკავშირი ბიზნეს სექტორებთან, თუმცა აქვე უნდა აღინიშნოს, რომ მთავრობის განმარტებით ბიზნესთან კომუნკაციის და დახმარების პროცესი დაწყებულია. მაგალითისათვის არ ყოფილა უკუკავშირი საქონლის რეალიზაციის შემდეგ დღგ-ს გადახდის ვალდებულებასთან, ასევე ტვირთების განბაჟების დროს ე.წ. ყვითელი დერეფნის შესაძლო გაუქმებასთან დაკავშირებით, რომელიც გახლავთ დამამუხრუჭებელი და არაპროგნოზირებადი მექანიზმი, უაღრესად ხელის შემშლელი ბიზნესისათვის ფულადი საბრუნავი საშუალებების შესანარჩუნებლად, რაც ირიბად იწვევს საიმპორტო საქონელზე და ადგილობრივ პროდუქციაზე (ნედლეულის იმპორტიდან გამომდინარე) ფასების ზრდას.

პრემიერ მინისტრის მიერ ანტიკრიზისული ეკონომიკური გეგმის პრეზენტაციის დროს დაფიქსირდა, რომ მთავრობამ საერთაშორისო სავალუტო ფონდთან შეათანხმა ახალი პროგრამის პარამეტრები და ბიუჯეტის და მთავრობის მიმართულებით უკვე მოიპოვა 1,5 მლრდ დოლარი დახმარების გარანტიები, გარდა ამისა კერძო სექტორისთვის წვდომა დამატებით 1,5 მლრდ დოლარზე.

განმცხადებელ ბიზნეს ასოციაციებს აინტერესებთ:

1. ეროვნული ბანკისა და მთავრობის ეკონომიკური გუნდის ერთობლივი გეგმა ეროვნული ვალუტის გამყარების/დასტაბილურებისათვის, ვინაიდან აღნიშნულის გარეშე წარმოუდგენელია ბიზნესის მდგრად განვითარებაზე საუბარი;

2. „კოვიდ 19“-ის ფონდში აკუმულირებული თანხების ხარჯვის მიზნობრიობა და გამჭირვალეობა - წინასწარ გაწერილი სამოქმედო გეგმის შესაბამისად;

3. ბიუჯეტისა და მთავრობის მიმართულებით მოპოვებული ზემოხსენებული 1,5 მლრდ აშშ დოლარის ოდებით დახმარების განაწილებისა და ხარჯვითი ნაწილის გამჭირვალეობა;

4. სპეციალური ბიუელეტენის გამოცემა, სადაც დეტალურად იქნება მოცემული ინფორმაცია კერძო სექტორისთვის დამატებით 1,5 მლრდ აშშ დოლარზე წვდომასთან და გაწეულ დახმარებებთან დაკავშირებით.

ასევე მნიშვნელოვანია მთავრობის სამოქმედო გეგმის არსებობა ვირუსის გავრცელების მეორე ტალღის შემთხვევაში. ბიზნესისთვის მეტი პროგნოზირებულობისა და მომავალი შესაძლო ზარალის მინიმიზაციისთვის მთავრობას ვთავაზობთ:


•იმის გათვალისწინებით, რომ ბიზნესის განმეორებითი დაკეტვა სრულად შეაჩერებს ქვეყნაში ეკონომიკის აღდგენის პროცესს, უმნიშვნელოვანესია პრემიერ მინისტრმა და მთავრობის ეკონომიკურმა გუნდმა უახლოეს მომავალში დაიწყოს კონსულტაციები წამყვან ბიზნეს ასოციაციებთან, რათა განისაზღვროს შესაბამისი სტრატეგია ქვეყანაში ვირუსის ახალი ტალღის გავრცელების შემთხვევაში", - ნათქვამია ერთობლივ განცხადებაში.

საქართველოს ბანკის მხარდაჭერით შპს Bolero & Company საწარმო ხაზებს აფართოებს

3 ივლისი, 2020 , 16:00

საქართველოს ბანკი, როგორც ბიზნესის მხარდამჭერი ბანკი ღვინისა და ალკოჰოლური სასმელების ინდუსტრიის წახალისებას აგრძელებს. ამჯერად ბანკისა და შპს Bolero & Company-ს პარტნიორობის შედეგად ღვინის საწარმო ხაზების გაფართოება

ეროვნულმა ბანკმა სავალუტო აუქციონზე 20 მილიონი დოლარი გაყიდა

2 ივლისი, 2020 , 17:05

დღეს გამართულ სავალუტო აუქციონზე საქართველოს ეროვნულმა ბანკმა 20 000 000 აშშ დოლარი გაყიდა. ამის შესახებ სებ-ის მიერ გავრცელებულ ინფორმაციაშია ნათქვამი. მათივე ცნობით, საშუალო შეწონილმა გაცვლითმა კურსმა 3.0417 შეადგინა.

პრემიერ-მინისტრი ეკონომიკის მინისტრს ავალებს, საზღვარგარეთიდან საქართველოს მოქალაქეების მისაღებ ფასად დაბრუნების პროგრამაში რამდენიმე ავიაკომპანიის ჩართულობა უზრუნველყოს

2 ივლისი, 2020 , 14:35

იქიდან გამომდინარე, რომ საგარეო საქემთა სამინისტრო, ისევე, როგორც ეკონომიკის სამინისტრო დღეს ჩვენს ევროპელ პარტნიორებთან ორმხრივი მოლაპარაკებების რეჟიმშია და ამასთან ერთად ჩვენ ბევრი ინფორმაცია შემოგვდის ჩვენი მოქალაქეებ

საქართველოს ბანკი ღვინის სექტორის მხარდაჭერას განაგრძობს

2 ივლისი, 2020 , 12:24

საქართველოს ბანკი ბიზნესის მხარდაჭერას განაგრძობს. ბანკის ფინანსური თანამონაწილეობით და ევროპის საინვესტიციო ბანკის ჩართულობით კომპანია „ყვარლის სარდაფმა“ კახეთში ვენახის გაშენებისა და ახალი ტექნიკის შეძენის

„ვიზეარი“ რჩება საქართველოში და აგრძელებს საქართველოს ხელისუფლებასთან თანამშრომლობას - ნათია თურნავა

1 ივლისი, 2020 , 14:40

მინდა დავამშვიდო ჩვენი მოსახლეობა და ვუთხრა, რომ „ვიზეარი“ არსად გადის, საქართველოში თავს კომფორტულად გრძნობს, აგრძელებს საქართველოს ხელისუფლებასთან თანამშრომლობას და რჩება თავისი მომხმარებლის, საქართველოს მო

მაისში საქართველოს ეკონომიკა 13.5%-ით შემცირდა - „საქსტატის“

30 ივნისი, 2020 , 12:10

წინასწარი შეფასებით, მაისში საქართველოს ეკონომიკა 13.5%-ით შემცირდა. ამის შესახებ სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა. მისივე ინფორმაციით, იანვარ-მაისის საშუალო რეალური ზრდ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე