ეკონომიკა

ლარის მდგომარეობის გაუმჯობესებას ხელი ახალმა ბიუჯეტმა უნდა შეუწყოს - ირაკლი კოვზანაძე

პარლამენტის საფინანსო-საბიუჯეტო კომიტეტის თავმჯდომარის, ირაკლი კოვზანაძის განცხადებით, სავალუტო მდგომარეობის გაუმჯობესებაზე დადებითი გავლენა ახალმა ბიუჯეტმა უნდა მოახდინოს.

როგორც კოვზანაძემ საკითხის კომენტირებისას მედიას განუცხადა, ლარის გამყარებისთვის ასევე მნიშვნელოვანია ფინანსთა სამინისტროსა და ეროვნული ბანკის ერთობლივი მუშაობა.

„საქართველოს ახალი ხელისუფლება, ახალი მთავრობა, ვფიქრობ მნიშნელოვანი ნაბიჯების გადადგმას აპირებს სავალუტო მდგომარეობის გაუმჯობესებისთვის. ამას ხელი უნდა შეუწყოს, პირველ რიგში, ახალმა ბიუჯეტმა რომელშიდაც დარწმუნებული ვარ, გათვალისწინებული არის ადმინისტრაციული ხარჯების შემცირება. ასევე ინფრასტრუქტურული პროექტების მნიშვნელოვანი თანხების გამოყოფა. გარდა ამისა, ამაზე გავლენა ფინანსთა სამინისტროსა და ეროვნული ბანკის ერთობლივმა ხედვამ და ერთობლივმა მუშაობამ მონეტარული ინსტრუმენტების გამოყენებაზე უნდა მოახდინოს გავლენა, იქნება ეს ლიკვიდობის მართვის საკითხები, რეფინანსირების სესხები, მინიმალური სარეზერვო მოთხოვნები“,-აღნიშნაკოვზანაძემ.

მონიკა დავლიანიძე