ეკონომიკა

მცირე მეწარმეებისთვის ხუთჯერ ვამცირებთ ბრუნვის გადასახადს - გიორგი კვირიკაშვილი

საქართველოს პრემიერ-მინისტრის, გიორგი კვირიკაშვილის განცხადებით, მცირე მეწარმეებისთვის ახალი შეღავათიანი საგადასახადო რეჟიმი ამოქმედდება, რომელიც ითვალისწინებს ბრუნვის გადასახადის შემცირებას 5%-დან 1%-მდე.

ინიციატივა ფინანსთა მინისტრს, მამუკა ბახტაძეს ეკუთვნის.

პრემიერის განმარტებით, მცირე ბიზნესის კატეგორიაში შევა 500 ათას ლარამდე ბრუნვის მქონე საწარმო.

„მცირე მეწარმეებისათვის შეღავათიანი საგადასახადო რეჟიმის შემოღებასთან დაკავშირებით მოგეხსენებათ, რომ მეწარმეობის განვითარება ჩვენთვის არის მნიშვნელოვანი პრიორიტეტი განსაკუთრებით მცირე მეწარმეობის. მე პარლამენტში მთავრობის დამტკიცების დროს ვისაუბრე, რომ ჩვენ ვიწყებთ მეორე ტალღას მცირე ბიზნესის დახმარების, მას შემდეგ რაც წარმატებით ხორციელდება პროგრამები „აწარმოე საქართველოში“, სოფლის მეურნეობის მიმართულებით პროგრამები „დანერგე მომავალი“, და ა.შ.

ჩვენ შემოვდივართ ახალი ინიციატივით და მადლობა მამუკა ბახტაძეს, რომელმაც საინტერესო საკანონმდებლო პაკეტის ინიცირება წარმოადგინა მთავრობის სხდომაზე. ეს გახლავთ ინიციატივა მცირე მეწარმეებისთვის დაბეგვრის შეღავათაინი რეჟიმის დაწესების თაობაზე. მცირე მეწარმეებისთვის ხუთჯერ ვამცირებთ ბრუნვის გადასახადს. ანუ 5%-იანი გადასახდი იქნება 1%-აინი ბრუნვის გადასახადი. ამასთან, მცირე მეწარმედ დღეს თუ ითვლება 100 ათას ლარამდე ბრუნვის მქონე საწარმო, 500 ათას ლარამდე ბრუნვის საწარმო ჩაითვლება ამ კატეგორიაში. ეს არის მნიშვნელოვანი შვება მცირე მეწარმეობით დაკავებული ადამიანებისთვის, ძალიან მნიშვნელოვანი შემცირება საგადასახადო ტვირთის და ახალი მეწარმეების წახალისება, რომლებსაც სურთ საქმიანობის წამოწყება“, -განაცხადა პრემიერმა მთავრობის სხდომაზე.

ანა მებურიშვილი