ეკონომიკა

ონლაინ სესხების ბევრი კომპანია შესაძლებელია გადაკეთდეს მიკროსაფინანსო ორგანიზაციად - კობა გვენეტაძე

იყო ასეთი ინფორმაცია, რომ რაღაც ალბათობით ონლაინ სესხების ბევრი კომპანია შესაძლებელია გაადაკეთდეს მიკროსაფინანსო ორგანიზაციად, - განუცხადა ჟურნალისტებს ეროვნული ბანკის პრეზიდენტმა, კობა გვენეტაძემ ონლაინ სესხებთან დაკავშირებით მთავრობის გადაწყვეტილების კომენტირებისას.

„ვფიქრობ, რომ უკეთესი იქნება მოვიცადოთ მანამდე, ვიდრე კანონპროექტი პარლამენტში არ შევა. გარკვეულწილად იქნება და იყო კიდეც კონსულტაციები ონალაინ სესხების კომპანიებთან, როდესაც ეს კანონპროექტი იქნება, მასში გაწერილი იქნება ყველა დეტალი.

იყო ასეთი ინფორმაცია, რომ რაღაც ალბათობით, ონლაინ სესხების ბევრი კომპანია შესაძლებელია გადაკეთდეს მიკროსაფინანსო ორგანიზაციად. შესაძლოა, ეს კანონპროექტი ან ერთ ეტაპზე, ან მეორეზე შეიცვალოს, ამიტომ ძალიან ნუ გავუსწრებთ მოვლენებს წინ“, - განაცხადა კობა გვენეტაძემ.

ნინო ექვთიმიშვილი