რეგიონები

ოზურგეთის საკრებულოში ფიზიკური დაპირისპირება მოხდა (ვიდეო)

ოზურგეთის საკრებულოში ფიზიკური დაპირისპირება მოხდა. ხმაური საკრებულოს სხდომაზე თვითმმართველი ქალაქების გაუქმების საკითხს მოჰყვა.

საკრებულოში თვითმმართველი ქალაქების გაუქმების საკითხზე და სათემო მუნიციპალიტეტის გაერთიანებაზე მსჯელობდნენ.

"ქართული ოცნება" მხარს უჭერს თვითმმართველი ქალაქის გაუქმებასა და მათი კვლავ სათემო მუნიციპალიტეტებთან გაერთიანებას. ამასთან, ამ ინიციატივას ოპოზიცია, კერძოდ "ნაციონალური მოძრაობა" და "ევროპული საქართველო", ასევე არასამთავრობო სექტორი ეწინააღმდეგება.

ხმაური ოზურგეთის საკრებულოში მას შემდეგ დაიწყო, რაც არასამთავრობო ორგანიზაციების წარმომადგენლებმა შენობაში გვირგვინის შეტანა სცადეს, თუმცა დაცვის პოლიციის თანამშრომლებმა ამის საშუალება არ მისცეს.

ოზურგეთის გამგეობის შენობასთან მოქალაქე ნათია ვაშალომიძე ყვავილებით მივიდა. მათი თქმით, ეს ინიციატივა თვითმმართველობის განვითარებაზე უარყოფითად იმოქმედებს.

როგორც არასამთავრობო ორგანიზაციის წევრი კოკა კიღურაძე აცხადებს, გვირგვინის შეტანა იყო სიმბოლური ხასიათის, რადგანაც ამ ინიციატივით თვითმმართველობა სამარდება.