მოზაიკა

პეკინის საერთაშორისო კინოფესტივალზე ქართულ ფილმებს 4 მთავარი ჯილდო გადაეცა

პეკინის საერთაშორისო კინოფესტივალზე 10 მთავარი ჯილდოდან ქართულ ფილმებს ოთხი პრიზი გადაეცა.

ეროვნული კინოცენტრის ინფორმაციით, Tiantan Award საუკეთესო სრულმეტრაჟიანი ფილმისთვის ანა ურუშაძეს, Tiantan Award საუკეთესო რეჟისურისთვის მარიამ ხაჭვანს, ხოლო Tiantan Award საუკეთესო მსახიობი ქალისთვის ნატო მურვანიძეს მინიჭეს ფილმისთვის “საშიში დედა“.

Tiantan Award საუკეთესო ოპერატორული ნამუშევრისთვის მინდია ესაძემ მოიპოვა ფილმისთვის „დედე“;„საქართველო პეკინის საერთაშორსო კინოფესტივალთან დაარსების დღიდან თანამშრომლობს და იგი ფესტივალზე ყოველთვის ღირსეულად იყო წარმოდგენილი. შარშან კი ქართველმა კინემატოგრაფისტებმა, ისევე როგორც წელს, პეკინში 10 მთავარი ჯილდოდან ოთხი მოიპოვეს: კინოფესტივალის საუკეთესო მხატვრული ფილმი გიორგი ბარაბაძის “ლუკა” გახდა. ამავე ფილმში ქალის მეორეხარისხოვანი როლის საუკეთესო შესრულებისთვის კი ლია კაპანაძე დააჯილდოვეს. ფილმს “სხვისი სახლი” ასევე ორი პრიზი ხვდა წილად – საუკეთესო რეჟისურისთვის და საუკეთესო ოპერატორული ნამუშევრისთვის. რუსუდან გლურჯიძეს ჯილდო ცნობილმა ფრანგმა მსახიობმა ჟან რენომ გადასცა, რომელიც 2017 წელს პეკინის კინოფესტივალის საერთაშორისო ჟიურის წევრი იყო“, – აღნიშნულია ეროვნული კინოცენტრის ინფორმაციაში.

პეკინის საერთაშორისო კინოფესტივალი 2011 წელს დაარსდა. ფესტივალს, რომელმაც უკვე შეძლო სახელის მოპოვება და ყოველწლიურად ჩინური კინოინდუსტრიის წარმომადგენლების გარდა მას ჰოლივუდის რეჟისორები, მსახიობები და პროდიუსერები ესწრებიან.

ცირა გურგენიძე