უკან

უახლესი ამბები

დღის კალენდარი

ანონსები

არქივი

ეკონომიკა

22 მარტი, 2018 10:45
font-size

პრემიერ-მინისტრის ხელმძღვანელობით ინვესტორთა საბჭოს მორიგი სხდომა გაიმართა

საქართველოს პრემიერ-მინისტრ გიორგი კვირიკაშვილის ხელმძღვანელობით, მთავრობის ადმინისტრაციაში ინვესტორთა საბჭოს მორიგი სხდომა გაიმართა.

საბჭოს სხდომაში პირველად მონაწილეობა მიიღო ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილე კატარინა მატერნოვამ და შეხვედრის მონაწილეებს ევროკავშირის ახალი საგარეო საინვესტიციო გეგმა წარუდგინა.

განხილულ იქნა, თუ რა სარგებელს მიიღებს საქართველო ევროკავშირის ინიციატივის ფარგლებში, რომელიც მომდევნო 4 წლის განმავლობაში 4.1 მილიარდი ევროს (დაახლოებით, 12 მილიარდი ლარი) გამოყოფას ითვალისწინებს.

კატერინა მატერნოვამ აღნიშნა, რომ ქვეყნის სწრაფი განვითარებისთვის საქართველოს მთავრობის მიერ შემუშავებული 4 პუნქტიანი გეგმა წარმატებული, დემოკრატიული რეფორმების განხორციელების თვალსაზრისით კი, საქართველო რეგიონში სამაგალითოა.

თავის მხრივ, პრემიერ-მინისტრმა გიორგი კვირიკაშვილმა ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს, ასევე საერთაშორისო თანამეგობრობას რეფორმების მიმდინარეობის პროცესში საქართველოს მტკიცე მხარდაჭერისათვის მადლობა გადაუხადა.

საბჭოს წევრებმა და მიწვეულმა სტუმრებმა დღესვე კერძო სექტორისთვის მნიშვნელოვანი სხვა საკითხები განიხილეს, მათ შორის: მართლმსაჯულების რეფორმის მიმდინარეობა საქართველოში, კანონპროექტი - სასოფლო-სამეურნეო დანიშნულების მიწის საკუთრების შესახებ, ქვეყანაში მიმდინარე საპენსიო რეფორმა და ახლადშექმნილი ტურიზმის საბჭოს, როგორც საკონსულტაციო ორგანოს საქმიანობის ძირითადი მიმართულებები.

სასამართლო სისტემის რეფორმის ნაწილში, ყურადღება გამახვილდა კომერციული და საგადასახადო პალატების შექმნასა და მასთან დაკავშირებით მიმდინარე პროცესებზე. შეხვედრის მონაწილეებმა აღნიშნეს, რომ პალატები ხელს შეუწყობს კომერციული დავების მოკლე ვადებში გადაწყვეტას და ქვეყანაში არსებული ხელსაყრელი ბიზნესგარემოს კიდევ უფრო მეტად გაუმჯობესებას.

მთავრობის ადმინისტრაციაში გამართულ შეხვედრას, საქართველოს მინისტრთა კაბინეტის წევრებთან ერთად, ევროკავშირის ელჩი საქართველოში იანოშ ჰერმანი, ევროპის რეკონსტრუქციისა და განვითარების ბანკის დირექტორი კავკასიაში, მოლდოვასა და ბელორუსში ბრუნო ბალვანერა, გერმანიის რეკონსტრუქციის საკრედიტო ბანკის აღმოსავლეთ ევროპის, კავკასიისა და ცენტრალური აზიის დეპარტამენტის ხელმძღვანელი ოლაფ ზიმელკა, ევროკომისიის სამეზობლო პოლიტიკის და გაფართოების საკითხებში დირექტორატის სამმართველოს უფროსი მატიე ბუსკე, დიდი ბრიტანეთის ელჩი საქართველოში ჯასტინ მაკენზი სმიტი, ამერიკის სავაჭრო პალატის პრეზიდენტი მაიქელ ქოუგილი, საქართველოს სავაჭრო-სამრეწველო პალატის პრეზიდენტი ნინო ჩიქოვანი, ბიზნესომბუდსმენი ირაკლი ლექვინაძე და საბჭოს მუშაობაში ჩართული სხვა პირები ესწრებოდნენ.

საქართველოს ეროვნული ბანკის სავალუტო აუქციონის შედეგი

16 იანვარი, 2019 , 17:44

2019 წლის 16 იანვარს გამართულ საქართველოს ეროვნული ბანკის სავალუტო აუქციონზე სებ-მა 15 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6632 შეადგინა.

უცხოური ვალუტის ოფიციალური კურსი

16 იანვარი, 2019 , 17:39

16 იანვრის ვაჭრობის შედეგად აშშ დოლარი გაუფასურდა და 2.6634 ლარი შეადგინა. კურსი, რომელიც დღეს მოქმედებდა, 2.6644 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0010 თეთრი შეადგინა. გაუფასურდა

საქართველოს რეგიონების გაზიფიკაციის პროცესი გაგრძელდება - ნათია თურნავა

16 იანვარი, 2019 , 15:29

საქართველოს ეკონომიკისა და მდგრადი განვითარების მინისტრის მოადგილის, ნათია თურნავას ინფორმაციით, საქართველოს რეგიონების გაზიფიკაციის პროცესი გაგრძელდება, თუმცა, ეს ტარიფზე არ აისახება. ეს განცხადება ნათია თურნავამ &bdquo

გუდაურში ფრენების განხორციელების ნებართვა „HTM Helicopter Travel Munich GmbH“-ს მიენიჭა

16 იანვარი, 2019 , 13:49

გუდაურის საკურორტო ზონაში ოპერირებას კიდევ ერთი უცხოური კომპანია განახორციელებს. საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ კომპანია „HTM Helicopter Travel Munich

თბილისის მერია მოსახლეობას საახალწლოდ გამოყენებული ნაძვის ხეებისა და ჩიჩილაკების ჩაბარებას სთავაზობს

16 იანვარი, 2019 , 13:13

კამპანიის „გავუფრთხილდეთ ქალაქს“ ფარგლებში, თბილისის მერია დედაქალაქის მოსახლეობას საახალწლოდ გამოყენებული ნაძვის ხეებისა და ჩიჩილაკების ჩაბარებას სთავაზობს. აღნიშნული ინიციატივის შესახებ თბილისის მერმა, კახა

საქართველოს ელჩი ვაჭრობის საკითხებში ესპანეთის სახელმწიფო მდივანს შეხვდა

16 იანვარი, 2019 , 13:04

საქართველოს საგანგებო და სრულუფლებიანმა ელჩმა ილია გიორგაძემ შეხვედრა გამართა ესპანეთის სახელმწიფო მდივანთან ვაჭრობის საკითხებში, შიანა მენდეზ ბერტოლოსთან. შეხვედრაზე მხარეებმა განიხილეს საქართველოსა და ესპანეთს შორის ა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`