რეგიონები

ზუგდიდის საკრებულოს სხდომა ხმაურის და სიტყვიერი დაპირისპირების ფონზე მიმდინარეობდა

ზუგდიდის საკრებულოს სხდომა ხმაურის და სიტყვიერი დაპირისპირების ფონზე მიმდინარეობდა.

დარბაზში ხმაური, „ერთიანი ნაციონალური მოძრაობის“ მიერ საკრებულოს თავმჯდომარისთვის გაგზავნილ ღია წერილს მოჰყვა. ისინი თავმჯომარისგან, ხუთი საკითხის განხილვას ითხოვდნენ, მათ შორის ა(ა)იპ-ების რეორგანიზაციას, სახელფასო ფონდის შემცირებას და ბოტანიკური ბაღში შესვლაზე დაწესებული გადასახადის გაუქმებას.

მათ სხდომა მას შემდეგ დატოვეს, რაც საკრებულოს თავმჯდომარემ გიგა ფარულავამ, ღია წერილს ხელი არ მოაწერა.

„საჯარო სამსახურს პერიოდულად ოპტიმიზაცია სჭირდება, შეიძლება რეორგანიზაციაც დასჭირდეს, მაგრამ ეს არ უნდა იყოს ულტიმატუმის სახით წამოყენებული წინაპირობები. ჩვენ ვამბობთ, რომ მზად ვართ მონაწილეობა მივიღოთ ყველა წინადადების, ყველა ჯანსაღი წინადადების განხილვაში, რომელიც ნაკარნახები იქნება მუნიციპალიტეტის, საზოგადოების და კეთილსინდისიერი საჯარო მოხელეების ინტერესებით“, - განაცხადა გიგა ფარულავამ.