უკან

უახლესი ამბები

დღის კალენდარი

ანონსები

არქივი

რეგიონები

3 ივნისი, 2017 17:45
font-size

საგანგებო სიტუაციების მართვის სააგენტომ აჭარაში საზღვაო სეზონი გახსნა

შინაგან საქმეთა სამინისტროს საგანგებო სიტუაციების მართვის სააგენტომ აჭარაში საზღვაო სეზონი გახსნა. ღონისძიებას შს მინისტრის მოადგილეები მერაბ მალანია და დავით ვარდიაშვილი, შსს-ს საგანგებო სიტუაციების მართვის სააგენტოს დირექტორი ზვიად ქაწაშვილი, აჭარის ა/რ მთავრობის თავმჯდომარე ზურაბ პატარაძე და ადგილობრივი ხელისუფლების სხვა წარმომადგენლები დაესწრნენ.

შს მინისტრის მოადგილემ, მერაბ მალანიამ მაშველებს სეზონის გახსნა მიულოცა და გაწეული სამუშაოსთვის მადლობა გადაუხადა. „შს სამინისტრო ყოველწლიურად ახორციელებს სხვადასხვა მოსამზადებელ სამუშაოს, რათა ჩვენს მოსახლეობას და ჩვენი ქვეყნის სტუმრებს საქართველოს საზღვაო კურორტებზე უსაფრთხო და კომფორტული დასვენების საშუალება ჰქონდეთ. გატარებული ღონისძიებების შედეგად, საგრძნობლად შემცირდა ზღვაზე უბედური შემთხვევების რაოდენობა.

ჩვენმა მაშველებმა ბოლო ორი წლის განმავლობაში ასობით ადამიანს აღმოუჩინეს მაღალპროფესიონალური და ოპერატიული დახმარება, 2015-2016 წლებში 700-ზე მეტი ადამიანი გადაარჩინეს. საზღვაო სეზონს ჩვენ წელსაც სათანადოდ მომზადებულები ვხვდებით“, - აღნიშნა მერაბ მალანიამ.

შსს-ს საგანგებო სიტუაციების მართვის სააგენტომ წლევანდელი საზღვაო სეზონისთვის 135 მაშველი შეარჩია და გადაამზადა. ახალ საზღვაო სეზონზე მაშველების ყოველდღიური სამუშაო პირობების გასაუმჯობესებლად წყალზე სამაშველო განყოფილებისთვის ბათუმის ნავსაყუდელში კეთლმოწყობილი სამაშველო პუნქტი მოეწყო. ასევე, გარემონტდა თორმეტი მცურავი საშუალება. მოქალაქეების უსაფრთხოებისა და რისკების პრევენციის მიზნით, ზღვაში საცურაო არეალის მანიშნებელი ტივტივები განთავსდა, სამაშველო საგუშაგოები თანამედროვე საზღვაო-სამაშველო ინვენტარით აღიჭურვა, სანაპირო ზოლში კი ქართული და ინგლისურენოვანი საინფორმაციო ბანერები დამონტაჟდა, რომელთა საშუალებითაც მოხდება დამსვენებელთა გაფრთხილება ცურვისთვის სახიფათო ადგილების შესახებ.

შს მინისტრის მოადგილეებმა და საგანგებო სიტუაციების მართვის სააგენტოს დირექტორმა მაშველებს ახალი საზღვაო-სამაშველო აღჭურვილობა, სამუშაო ფორმები, პირველადი სამედიცინო დახმარებისთვის განკუთვნილი სამედიცინო ჩანთები და სხვა საჭირო ინვენტარი გადასცეს.

ღონისძიებაზე წყალზე სამაშველო ოპერაციის სიმულაციური ჩვენებაც მოეწყო.

ბათუმში, ერთ-ერთ საბავშვო ბაღში ოთხი წლის გოგონამ სადეზინფექციო ხსნარი დალია

23 იანვარი, 2019 , 14:53

ბათუმში, ერთ-ერთ საბავშვო ბაღში ოთხი წლის გოგონამ სადეზინფექციო ხსნარი დალია. ბავშვი თბილისში იაშვილის კლინიკაშია გადაყვანილი. კლინიკაში პირველ არხს განუცხადეს, რომ გოგონას მდგომარეობა რთული იყო, ახლა კი ვითარება გაუმჯობ

ნაქერალას უღელტეხილზე მისაბმელიანი ავტოტრანსპორტის მოძრაობა აკრძალულია

22 იანვარი, 2019 , 17:20

ნაქერალას უღელტეხილზე მისაბმელიანი ავტოტრანსპორტის მოძრაობა აკრძალულია, - ამის შესახებ საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი იტყობინება. მათივე ინფორმაციით, თ

ფოთში წითელას ცხრა შემთხვევა დაფიქსირდა

21 იანვარი, 2019 , 17:02

ფოთში წითელას ცხრა შემთხვევა დაფიქსირდა. ამის შესახებ ინფორმაციას საზოგადოებრივი ჯანდაცვის ცენტრი ავრცელებს. ინფექციის სიმპტომებით სხვადასხვა კლინიკას 9 პაციენტმა მიმართა. დაავადებულთა შორის ერთი მოზარდია. ექიმების განცხ

„ჭიღვარიამ უნდა დაწეროს განცხადება და წავიდეს თანამდებობიდან”

21 იანვარი, 2019 , 13:33

ქუთაისის მერის გიორგი ჭიღვარიას იმპიჩმენტს ითხოვენ ოპოზიციური პარტიების წარმომადგენლები. მოძრაობა „ძალა ერთობაშია“-ს, „ევროპული საქართველოს“ და „ლეიბორისტული პარტიის“ ქუთაისის ორგანიზა

ბათუმში, ქიმიური ტერმინალის მშენებლობის მოწინააღმდეგეებმა კარავი გაშალეს

21 იანვარი, 2019 , 10:49

ბათუმში, ქიმიური ტერმინალის მშენებლობის მოწინააღმდეგეებმა ევროპის მოედანზე კარავი გაშალეს. აქციის მონაწილეების განცხადებით, საინიციატივო ჯგუფი წევრები, ტერმინალის მშენებლობის შესახებ მოქალაქეებს ინფორმაციას 24 საათიან რე

კობი-გუდაურის გზაზე გადაადგილება რეკომენდებულია ზამთრის საბურავებით და დაბალი სიჩქარით

21 იანვარი, 2019 , 10:41

კობი-გუდაურის გზაზე გადაადგილება რეკომენდებულია ზამთრის საბურავებით და დაბალი სიჩქარით, – ამის შესახებ საქართველოს შინაგან საქმეთა სამინისტროს საპატრულო პოლიციის დეპარტამენტის განცხადებაშია ნათქვამი. „საპატრუ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`