უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
ეკონომიკა
სახელმწიფო ბალანსზე არსებული უძრავი ქონების გასხვისების პროცესი აბსოლუტურად გამჭვირვალე იქნება - გიორგი ქობულია
„სახელმწიფო ბალანსზე არსებული უძრავი ქონების გასხვისების პროცესი აბსოლუტურად გამჭვირვალე იქნება და მასში მონაწილეობის საშუალება ყველას ექნება“, - ამის შესახებ საქართველოს ეკონომიკისა და მდგრადი განვითარების მინისტრმა გიორგი ქობულიამ ქუთაისში დასავლეთ საქართველოს რეგიონულ ბიზნესფორუმზე განაცხადა, რომელშიც 200-მდე ადგილობრივი მეწარმე მონაწილეობდა.
როგორც „მედიანიუსს“ ეკონომიკისა და მდგრადი განვითარების სამინისტროდან აცნობეს, გიორგი ქობულიამ ფორუმზე რეგიონებში ბიზნესის განვითარების პერსპექტივებზე ისაუბრა. თავის გამოსვლაში მან ბიზნესის ხელშეწყობის კუთხით რამდენიმე მიმართულებაზე გააკეთა აქცენტი, მათ შორის მეწარმეების მიერ სახელმწიფოს ბალანსზე არსებული უძრავი ქონების წვდომაზე.
როგორც ეკონომიკის მინისტრმა აღნიშნა, ბიზნესსექტორისთვის მნიშვნელოვანია, თუ როგორ შეიძლება მთავრობასთან უძრავი ქონების თვალსაზრისით თანამშრომლობა. გიორგი ქობულიას განცხადებით, მთავრობის გადაწყვეტილებაა, რომ მის ბალანსზე საკმაოდ დიდი რაოდენობით უძრავი ქონება რაც შეიძლება სწრაფად ჩართოს სხვადასხვა სახის საქმიანობაში.
„საქართველოში ჯერ კიდევ საბჭოთა კავშირიდან მოყოლებული, მთავრობას ბალანსზე საკმაოდ დიდი რაოდენობით უძრავი ქონება აქვს, მათ შორის იმერეთის რეგიონშიც - მიწის ნაკვეთები, ასევე შენობა-ნაგებობები და ა.შ. ჩვენ, მთავრობას გადაწყვეტილი გვაქვს, რაც შეიძლება სწრაფად ჩავრთოთ ეს ქონება ეკონომიკურ საქმიანობაში“, - განაცხადა გიორგი ქობულიამ.
ეკონომიკისა და მდგრადი განვითარების მინისტრის თქმით, მთავრობა მზადაა, რომ განიხილოს ნებისმიერი მეწარმის წინადადება, თუ რა სახით შეიძლება ამ ქონების მათთვის გადაცემა - იქნება ეს ფასიანი, თუ ინვესტიციის ვალდებულებით გადაცემა.
„ჩვენ სხვადასხვა პროგრამები გვაქვს, რათა თქვენ, მეწარმეებმა ეს უძრავი ქონება საქმიანობაში გამოიყენოთ, იქნება ეს საწარმოები, მაღაზიები, თუ სასტუმროები და ა. შ. ამიტომ ყველა მზად იყავით, გაითვალისწინეთ, რომ მთავრობა ამ მიმართულებით ძალიან პოზიტიურადაა განწყობილი“, - აღნიშნა მინისტრმა.
გიორგი ქობულიას განცხადებით, სახელმწიფო ბალანსზე არსებული უძრავი ქონების გასხვისების პროცესი აბსოლუტურად გამჭვირვალე იქნება და მასში მონაწილეობის საშუალება ყველას ექნება.